ಭಾರತ ಸಹಿತ 5 ಏಶ್ಯನ್‌ ದೇಶಗಳ ಆಮದು ಸುಂಕ ಶೂನ್ಯಕ್ಕಿಳಿಸಿದ ಚೀನ

Team Udayavani, Jun 26, 2018, 4:50 PM IST

ಬೀಜಿಂಗ್‌ : ಅಮೆರಿಕದೊಂದಿಗಿನ ವಾಣಿಜ್ಯ ಸಮರವನ್ನು ತೀವ್ರಗೊಳಿಸಿರುವ ನಡುವೆಯೇ ಚೀನ, ಭಾರತ ಮತ್ತು ಇತರ ನಾಲ್ಕು ಏಶ್ಯನ್‌ ದೇಶಗಳಿಂದ ತಾನು ಅಮದಿಸಿಕೊಳ್ಳುವ ಸೋಯಾಬೀನ್‌ ಮತ್ತು ಇತರ ಕೆಲವು ವಸ್ತುಗಳ ಮೇಲಿನ ಸುಂಕವನ್ನು ಶೂನ್ಯಕ್ಕೆ ಇಳಿಸಿದೆ.

ಭಾರತ, ಬಾಂಗ್ಲಾದೇಶ, ದಕ್ಷಿಣ ಕೊರಿಯ, ಬಾಂಗ್ಲಾದೇಶ, ಲಾವೋಸ್‌ ಮತ್ತು ಶ್ರೀಲಂಕಾ ದಿಂದ ಆಮದಿಸಿಕೊಳ್ಳುವ ಸೋಯಾಬೀನ್‌ ಮತ್ತು ಇತರ ಕೆಲವು ಉತ್ಪನ್ನಗಳ ಮೇಲೆ ಈಗಿರುವ ಶೇ.3ರ ಸುಂಕವನ್ನು ಚೀನ ಇದೇ ಬರುವ ಜುಲೈ 1ರಿಂದ ಶೂನ್ಯಕ್ಕೆ ಇಳಿಸಿರುವುದಾಗಿ ಮಾಧ್ಯಮ ವರದಿಗಳು ತಿಳಿಸಿವೆ. 

ಇದಲ್ಲದೆ ರಾಸಾಯನಿಕಗಳು, ಕೃಷಿ ಉತ್ಪನ್ನಗಳು, ವೈದ್ಯಕೀಯ ಪೂರೈಕೆಗಳು, ಬಟ್ಟೆ , ಉಕ್ಕು ಮತ್ತು ಅಲ್ಯುಮಿನಿಯಂ ಮೇಲಿನ ಅಮದು ಸುಂಕವನ್ನು ಕೂಡ ಚೀನ ಈ ಐದು ದೇಶಗಳ ಮಟ್ಟಿಗೆ ಇಳಿಸಿರುವುದಾಗಿ ಚೀನ ಸರಕಾರಿ ಒಡೆತನದ “ಚೈನಾ ಡೇಲಿ’ ವೆಬ್‌ಸೈಟ್‌ ವರದಿ ಮಾಡಿದೆ.