ಅಮೆರಿಕದಲ್ಲಿ ವಂಚನೆ: ಪಾಕ್‌ ಪ್ರಜೆಗೆ 12 ವರ್ಷ ಜೈಲು

Team Udayavani, Feb 20, 2022, 6:40 AM IST

ವಾಷಿಂಗ್ಟನ್‌: ಪಾಕಿಸ್ಥಾನದ ರಾವಲ್ಪಿಂಡಿಯ ಮುಹಮ್ಮದ್‌ ಅತೀಕ್‌ ಅಮೆರಿಕದಲ್ಲಿ 12 ವರ್ಷ ಜೈಲು ಶಿಕ್ಷೆಗೊಳಗಾಗಿದ್ದಾನೆ. ಮಾತ್ರವಲ್ಲ 48 ಮಿಲಿಯನ್‌ ಡಾಲರ್‌ಗಳನ್ನು (358 ಕೋಟಿ ರೂ.) ಹಿಂದಿರುಗಿಸುವಂತೆ ಇಲಿನಾಯ್ಸ ನ್ಯಾಯಾಲಯ ಆದೇಶಿಸಿದೆ.

ಅತೀಕ್‌, ಅಮೆರಿಕದಲ್ಲಿ ಭಾರತವೂ ಸೇರಿದಂತೆ ಹಲವು ದೇಶಗಳ ನಕಲಿ ಗುರುತುಪತ್ರಗಳನ್ನು ಹೊಂದಿದ್ದನು. ಅದರ ಮೂಲಕ ಅಮೆರಿಕದಲ್ಲೇ ಹಲವು ಆರೋಗ್ಯ ಸೇವಾ ಏಜೆನ್ಸಿಗಳನ್ನು ನಡೆಸುತ್ತಿದ್ದನು. ಇಸ್ಲಾಮಾಬಾದ್‌ನಲ್ಲಿ ಹೋಮ್‌ ಹೆಲ್ತ್‌ ಕೇರ್‌ ಕನ್ಸಲ್ಟಿಂಗ್‌ನಲ್ಲಿ ಕೆಲಸ ಮಾಡುತ್ತಿದ್ದ ಅವನು, ಅಮೆರಿಕದಲ್ಲಿ ಇದೇ ಕಂಪೆನಿಯ ಹಲವು ಏಜೆನ್ಸಿಗಳನ್ನು ಪಡೆದುಕೊಂಡಿದ್ದನು.

ಈ ಸಂಸ್ಥೆಯು ವೈದ್ಯಕೀಯ ಬಿಲ್‌ಗ‌ಳನ್ನು ಹಾಗೆಯೇ ಆನ್‌ಲೈನ್‌ ಮಾದರಿಯ ವೈದ್ಯಕೀಯ ದಾಖಲೆಗಳ ನಿರ್ವಹಣೆ ನಡೆಸುತ್ತದೆ. ಈ ಏಜೆನ್ಸಿಗಳ ಮೂಲಕ ಸೇವೆಯನ್ನೇ ನೀಡದಿದ್ದರೂ ನಕಲಿ ದಾಖಲೆಗಳ ಮೂಲ ಬಿಲ್‌ ಸಲ್ಲಿಸಿ ಹಣ ಪಡೆದಿದ್ದನು. ಅತೀಕ್‌ ಅವರು ನೀಲೇಶ್‌ ಪಟೇಲ್‌, ಸಂಜಯ್‌ ಕಪೂರ್‌, ರಾಜೇಶ್‌ ದೇಸಾಯಿ… ಹೀಗೆ ಹಲವು ಭಾರತೀಯ ಹೆಸರುಗಳ ಮೂಲಕವೂ ವ್ಯವಹಾರ ಮಾಡಿದ್ದಾನೆ.