Sydney attack: ತನ್ನ ಪ್ರಾಣವೇ ಹೋಗುತ್ತಿದ್ದರೂ ಪುತ್ರಿ ರಕ್ಷಣೆಗೆ ಮಹಿಳೆ ಕೋರಿಕೆ!
Team Udayavani, Apr 15, 2024, 6:00 AM IST
ಸಿಡ್ನಿ: ಆಸ್ಟ್ರೇಲಿಯಾದ ಸಿಡ್ನಿಯ ಮಾಲ್ ಒಂದರಲ್ಲಿ ವ್ಯಕ್ತಿಯೊಬ್ಬ ಶನಿವಾರ ನಡೆಸಿದ್ದ ದಾಳಿಯಲ್ಲಿ 6 ಮಂದಿ ಅಸುನೀದ್ದರು. “ಒಂಟಿ ತೋಳ’ (ಲೋನ್ ವೂಲ್ಫ್ ಅಟ್ಯಾಕ್) ಎಂಬ ಹೆಸರಿನ ಈ ದಾಳಿಯಲ್ಲಿ 9 ತಿಂಗಳ ಶಿಶು ಕೂಡ ಗಾಯಗೊಂಡಿದೆ. ಜತೆಗೆ ಮಗುವಿನ ತಾಯಿ ಕೂಡ ಗಾಯಗೊಂಡಿದ್ದರು. ಈ ಸಂದರ್ಭದಲ್ಲಿ ಮಗುವನ್ನು ರಕ್ಷಿಸುವಂತೆ ಬೇಡಿಕೊಂಡ ಅಂಶ ಬೆಳಕಿಗೆ ಬಂದಿದೆ. ದಾಳಿಕೋರ ಮಗುವಿನ ಸಮೀಪ ಬಂದು ಇರಿಯುತ್ತಿರುವಂತೆಯೇ ಆ್ಯಶ್ಲಿ ಎಂಬ ಮಹಿಳೆ ರಕ್ಷಣೆಗಾಗಿ ಬೊಬ್ಬೆ ಹಾಕಿಕೊಂಡಿ ದ್ದಾರೆ ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ತಿಳಿಸಿದ್ದಾರೆ.
ದಾಳಿಕೋರನ ಚೂರಿ ಇರಿತಕ್ಕೊಳಗಾದ ಆ್ಯಶ್ಲೀ ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಪುತ್ರಿ ಹ್ಯಾರಿಯಟ್ ಆಸ್ಪತ್ರೆಯಲ್ಲಿದ್ದಾಳೆ. ಚೇತರಿಸಿಕೊಳ್ಳುತ್ತಿದ್ದಾಳೆ ಎನ್ನಲಾಗಿದೆ.