Syria ಮೇಲೆ ವೈಮಾನಿಕ ದಾಳಿ: 9 ಸಾವು; 30ಕ್ಕೂ ಅಧಿಕ ಮಂದಿಗೆ ಗಾಯ
ದಾಳಿ ಮಾಡಿದ್ದು ರಷ್ಯಾವೇ ಅಥವಾ ಸಿರಿಯಾ ಅಧ್ಯಕ್ಷನೇ?
Team Udayavani, Jun 26, 2023, 6:40 AM IST
ಡಮಾಸ್ಕಸ್: ವಾಯುವ್ಯ ಸಿರಿಯಾದ ತರಕಾರಿ ಮಾರುಕಟ್ಟೆಯೊಂದರ ಮೇಲೆ ಭಾನುವಾರ ವೈಮಾನಿಕ ದಾಳಿ ನಡೆದಿದ್ದು, ಘಟನೆಯಲ್ಲಿ 9 ಮಂದಿ ಮೃತಪಟ್ಟಿದ್ದಾರೆ, 30ಕ್ಕೂ ಅಧಿಕಮಂದಿ ಗಾಯಗೊಂಡಿದ್ದಾರೆಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಹಯಾತ್ ತಹ್ರೀರ್ ಅಲ್ ಶಾಮ್ ಉಗ್ರಪಡೆಗಳು ಹಾಗೂ ಟರ್ಕಿ ಬೆಂಬಲಿತ ಪಡೆಗಳ ವಶದಲ್ಲಿ ವಾಯುವ್ಯ ಸಿರಿಯಾ ಇದೆ. ಈ ಹಿನ್ನೆಲೆ ವಿರೋಧಿಗಳನ್ನು ಹತ್ತಿಕ್ಕುವ ಸಲುವಾಗಿ ಸಿರಿಯಾ ಅಧ್ಯಕ್ಷ ಬಶರ್ ಅಸದ್ ಈ ದಾಳಿ ಮಾಡಿಸಿದ್ದಾರೆಂಬ ಗುಮಾನಿ ಇದೆ. ಅಸದ್ನ ಆಪ್ತರಾಷ್ಟ್ರವಾದ ರಷ್ಯಾದ ಪಡೆಗಳೇ ಈ ದಾಳಿ ನಡೆಸಿವೆ ಎನ್ನುವ ಮಾತೂ ಕೇಳಿಬಂದಿದೆ. ಆದರೆ ರಷ್ಯಾ ಅಥವಾ ಸಿರಿಯಾ ಸರ್ಕಾರ ಯಾವುದೂ ದಾಳಿ ಕುರಿತು ಪ್ರತಿಕ್ರಿಯೆ ನೀಡಿಲ್ಲ. ದಾಳಿಯ ತೀವ್ರತೆ ಹೆಚ್ಚಿರುವುರಿಂದ ಮೃತಪಟ್ಟವರ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಗಳಿದೆ ಎಂದು ಸ್ಥಳೀಯಾಡಳಿತ ಸಂಸ್ಥೆ ತಿಳಿಸಿದೆ.