ಪುಸ್ತಕ ಸುಳ್ಳಿನ ಕಂತೆ: ಟ್ರಂಪ್
Team Udayavani, Jan 6, 2018, 9:35 AM IST
ವಾಷಿಂಗ್ಟನ್: ಟ್ರಂಪ್ ಅಮೆರಿಕ ಅಧ್ಯಕ್ಷರಾದ ನಂತರ ವೈಟ್ಹೌಸ್ನಲ್ಲಿ ಅವರು ನಡೆಸುತ್ತಿರುವ ಜೀವನದ ಮಾಹಿತಿಯುಳ್ಳ ಪುಸ್ತಕ ಎನ್ನಲಾದ “ಫೈರ್ ಆ್ಯಂಡ್ ಫ್ಯೂರಿ: ಇನ್ಸೈಡ್ ದ ಟ್ರಂಪ್ ವೈಟ್ಹೌಸ್’ದಲ್ಲಿರುವುದು ಬರೀ ಸುಳ್ಳಿನ ಕಂತೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಕಿಡಿಕಾರಿದ್ದಾರೆ.
ಶುಕ್ರವಾರ ಬಿಡುಗಡೆಯಾಗಿರುವ ಈ ಪುಸ್ತಕದ ಬಗ್ಗೆ ಟ್ವೀಟ್ ಮಾಡಿರುವ ಅವರು, “ಪುಸ್ತಕದ ಲೇಖಕ ಮೈಕಲ್ ವೂಲ್ಫ್ ಒಬ್ಬ ಬೊಗಳೆ ದಾಸಯ್ಯ. ವೈಟ್ಹೌಸ್ನ ಒಳ ವಿಚಾರಗಳು ಆತನಿಗೆ ತಿಳಿದಿಲ್ಲ. ಕಪೋಲಕಲ್ಪಿತ ಕಹಾನಿಗಳನ್ನು ಈತ ಪುಸ್ತಕದಲ್ಲಿ ಬರೆದುಕೊಂಡಿದ್ದಾನೆ. ನಾನಂತೂ ಈ ಪುಸ್ತಕ ವೈಟ್ಹೌಸ್ ಪ್ರವೇಶಿಸದಂತೆ ನಿಷೇಧಿಸಿದ್ದೇನೆ” ಎಂದಿದ್ದಾರೆ. ಪುಸ್ತಕದಲ್ಲಿ ಅಧ್ಯಕ್ಷಗಿರಿಗೆ ಟ್ರಂಪ್ ನಾಲಾಯಕ್ಕು ಎಂಬಂತೆ ಬಣ್ಣಿಸಲಾಗಿದೆ. ಸಂಜೆಯಾಗುತ್ತಲೇ ನಿದ್ರೆಗೆ ಜಾರುತ್ತಾರೆ. ಯಾವಾಗಲೂ ಚೀಸ್ ಸ್ಯಾಂಡ್ವಿಚ್ಗಳಲ್ಲೇ ಮುಳುಗಿರುತ್ತಾರೆ ಎಂಬಿತ್ಯಾದಿ ಟೀಕೆಗಳಿವೆ. ಜತೆಗೆ, ಎಚ್1ಬಿ ವೀಸಾ ಕುರಿತೂ ಉಲ್ಲೇಖವಿದೆ.
ವೀಸಾ ಕಡಿತದಿಂದ ಅಮೆರಿಕಕ್ಕೇ ಧಕ್ಕೆ
ಎಚ್-1ಬಿ ವೀಸಾ ವಿಸ್ತರಣೆ ರದ್ದಿನಿಂದ ಭಾರತದ ಜತೆಗಿನ ಸೌಹಾರ್ದಯುತ ಸಂಬಂಧಕ್ಕೆ ಧಕ್ಕೆ ಉಂಟಾದೀತು. ಜತೆಗೆ ದೇಶದಲ್ಲಿನ ಪ್ರತಿಭೆಗಳ ಪಲಾಯನ ಆದೀತು ಎಂದು ಅಮೆರಿಕದ ಸಂಸದೆ, ಡೆಮಾಕ್ರಾಟಿಕ್ ಪಕ್ಷದ ಸಂಸದೆ ತುಳಸಿ ಗಬ್ಟಾರ್ಡ್ ಎಚ್ಚರಿಕೆ ನೀಡಿದ್ದಾರೆ. ವೀಸಾ ನಿಯಮ ಬಿಗಿಗೊಳಿಸುವುದರಿಂದ 7.7 ಲಕ್ಷ ಭಾರತೀಯರು ಸ್ವದೇಶಕ್ಕೆ ಮರಳಬೇಕಾದ ಅಪಾಯವಿದೆ. “ಟ್ರಂಪ್ ಅವರ ಇಂಥ ಪ್ರಸ್ತಾಪದಿಂದ ವೀಸಾ ಹೊಂದಿದವರ ಕುಟುಂಬದ ಮೇಲೆ ಪ್ರತಿಕೂಲ ಪರಿಣಾಮ ಬೀರಲಿವೆ. ಪ್ರತಿಭೆಗಳ ನಷ್ಟ ಉಂಟಾಗಲಿದೆ. 21ನೇ ಶತಮಾನದ ಪೈಪೋಟಿಯಲ್ಲಿ ಅಮೆರಿಕ ಹಿಂದುಳಿಯಲಿದೆ” ಎಂದು ಅವರು ಎಚ್ಚರಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Report; 2023ರಲ್ಲಿ 28.2 ಕೋಟಿ ಜನರಿಗೆ ತೀವ್ರ ಆಹಾರ ಬಿಕ್ಕಟ್ಟು
India VISA ನೀತಿ ಬಗ್ಗೆ ಅಲ್ಲಿನ ಸರಕಾರ ಮಾತನಾಡಲಿ: ಅಮೆರಿಕ
Anti Israel ಪ್ರತಿಭಟನೆ-ಭಾರತೀಯ ಮೂಲದ ಪ್ರಿನ್ಸ್ ಟನ್ ವಿವಿ ವಿದ್ಯಾರ್ಥಿನಿ ಬಂಧನ
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ