ಶುಕ್ರವಾರದ ನಿಮ್ಮ ಗ್ರಹಬಲ: ಯಾರಿಗೆ ಶುಭ- ಯಾರಿಗೆ ಲಾಭ?

Team Udayavani, May 7, 2021, 7:01 AM IST

7-5-2021

ಮೇಷ: ಹಂತಹಂತವಾಗಿ ಜೀವನದ ಮಧುರ ಓಟದ ಸವಿಯನ್ನು ಅನುಭವಿಸಲಿದ್ದೀರಿ. ಧಾರ್ಮಿಕ ಮನೋಭಾವದಿಂದ ದೇವತಾಕಾರ್ಯಗಳು ನಡೆದು ಮನಸ್ಸಿಗೆ ಮುದ ನೀಡಲಿದೆ. ಅವಿವಾಹಿತರಿಗೆ ಹೊಂದಾಣಿಕೆ ಅಗತ್ಯವಿದೆ.

ವೃಷಭ: ಪ್ರೇಮಿಗಳ ಬಾಂಧವ್ಯ ಗಟ್ಟಿಯಾಗಲಿದೆ. ವ್ಯಾಪಾರ, ವ್ಯವಹಾರಗಳಲ್ಲಿ ಬುದ್ಧಿವಂತಿಕೆ ಆರ್ಥಿಕ ಲಾಭವನ್ನು ಹೆಚ್ಚಿಸಬಹುದಾಗಿದೆ. ಅವಿವಾಹಿತರು ಹೊಂದಾಣಿಕೆಯನ್ನು ಮಾಡಿಕೊಂಡಲ್ಲಿ ನೆಂಟಸ್ತಿಕೆಯು ಗಟ್ಟಿಯಾಗಲಿದೆ. ಶುಭವಿದೆ.

ಮಿಥುನ: ಹೂಡಿಕೆಗಳಲ್ಲಿ ಲಾಭಾಂಶ ಹೆಚ್ಚಿದರೂ  ವಂಚನೆಗೆ ಅವಕಾಶಗಳಿರುತ್ತವೆ. ಜಾಗ್ರತೆ ವಹಿಸಬೇಕು. ವೃತ್ತಿರಂಗದಲ್ಲಿ ಅಡ್ಡಿಆತಂಕಗಳು ತೋರದಂತೆ ಜಾಗ್ರತೆ ಮಾಡಿದರೆ ಸಣ್ಣ ರೂಪದಲ್ಲಿ ಕಂಡುಬಂದೀತು. ಅವಸರಿಸದಿರಿ.

ಕರ್ಕ: ನಿಮ್ಮ ಕಾರ್ಯವಿಧಾನ, ಕ್ರಿಯಾಶೀಲತೆ, ಆತ್ಮವಿಶ್ವಾಸವು ಮುನ್ನಡೆಗೆ ಕರೆದೊಯ್ಯಲಿದೆ. ಮುಖ್ಯವಾಗಿ ಆರ್ಥಿಕ ಸ್ಥಿತಿ ಹಾಗೂ ಮಾನಸಿಕ ಅಸ್ಥಿರತೆಯಿಂದ ಆಗಾಗ ಆತಂಕವನ್ನು ಅನುಭವಿಸುವಂತಾದೀತು. ಸಹನೆ ಕಳೆದುಕೊಳ್ಳದಿರಿ.

ಸಿಂಹ: ನೀವು ಊಹಿಸಿದ ಅನೇಕ ಕೆಲಸ ಕಾರ್ಯಗಳು ಅಚ್ಚರಿಯ ರೀತಿಯಲ್ಲಿ ಅನುಕೂಲವಾಗಲಿದೆ. ಸಾಂಸಾರಿಕವಾಗಿ ಸಹಕಾರ, ಮಿತ್ರರಿಂದ ಕೂಡಾ ಎಲ್ಲಾ ರೀತಿಯ ಸಹಾಯ ಒದಗಿ ಬಂದಿತು. ಉದ್ವೇಗ, ಹಠ, ಸಿಟ್ಟು ಬೇಡ.

ಕನ್ಯಾ: ಅನೇಕ ರೀತಿಯ ಲಾಭದಾಯಕ ಕೆಲಸ ಕಾರ್ಯಗಳಿಗೆ ಗುರುಪೂರಕನಾಗಿ ಸೂಕ್ತ ಸ್ಥಾನಮಾನ, ಗೌರವಗಳು ಪ್ರಾಪ್ತಿಯಾದೀತು. ವೈವಾಹಿಕ ಮಾತುಕತೆಗಳು ಕಂಕಣ ಬಲಕ್ಕೆ ನಾಂದಿ ಹಾಡಲಿದೆ. ಅವಕಾಶಗಳು ಬಂದಾವು.

ತುಲಾ: ವಿದ್ಯಾರ್ಥಿಗಳು ತಮ್ಮ ಫ‌ಲಿತಾಂಶದಲ್ಲಿ ಅದೃಷ್ಟಭಾಗ್ಯವನ್ನು ಹೊಂದಲಿದ್ದಾರೆ. ಸಾಂಸಾರಿಕವಾಗಿ ಶುಭಮಂಗಲ ಕಾರ್ಯಗಳಿಗೆ ನಿಮ್ಮ ದೃಢ ನಿರ್ಧಾರಗಳೇ ಅಧಿಕೃತವಾಗಲಿದೆ. ವಿಶೇಷವಾಗಿ ಆರೋಗ್ಯದಲ್ಲಿ ಸುಧಾರಣೆ ಕಂಡುಬಂದೀತು.

ವೃಶ್ಚಿಕ: ಅನೇಕ ರೀತಿಯಲ್ಲಿ ಕಿರಿಕಿರಿಗಳು ಕಂಡು ಬಂದು ನಿಮ್ಮ ತಾಳ್ಮೆ ಸಮಾಧಾನವನ್ನು ಪರೀಕ್ಷಿಸುವಂತಾಗುತ್ತದೆ. ದೈಹಿಕವಾಗಿ ಅಪಘಾತ, ಅವಘಡಗಳು ಸಂಭವಿಸದಂತೆ ಜಾಗರೂಕರಾಗಿರಿ. ಒಮ್ಮೊಮ್ಮೆ ಹಠ ಸಾಧನೆ ಹೆಚ್ಚಾಗಲಿದೆ.

ಧನು: ಆರ್ಥಿಕವಾಗಿ ಹೆಚ್ಚಿನ ಏರಿಳಿತಗಳಿಲ್ಲದೆ ವಿವಿಧ ಮೂಲಗಳಿಂದ ಧನಪ್ರಾಪ್ತಿಯಾಗಲಿದೆ. ಉದ್ಯೋಗ, ವ್ಯವಹಾರಗಳಲ್ಲಿ ಹೆಚ್ಚಿನ ಪ್ರಗತಿ ಇದ್ದು ಸಾಂಸಾರಿಕ ಜೀವನವು ಸಂತೃಪ್ತಿ ನೀಡಲಿದೆ. ರಾಜಕೀಯದವರಿಗೆ ಶ್ರಮ ಹೆಚ್ಚು.

ಮಕರ: ಮನೆಯ ಸ್ಥಿತಿಗತಿಗಳನ್ನು ಸುಧಾರಿಸಲು ಹೆಚ್ಚಿನ ಪರಿಶ್ರಮದ ಅಗತ್ಯವಿದೆ. ಸಾಂಸಾರಿಕವಾಗಿ ಸಾಮರಸ್ಯವಿರದು. ಆರ್ಥಿಕ ಅಡಚಣೆಗಳು ಆಗಾಗ ಅನುಭವಕ್ಕೆ  ಬರುವ ಕಾರಣ ಖರ್ಚುವೆಚ್ಚಗಳನ್ನು ಹಿಡಿತದಲ್ಲಿಟ್ಟುಕೊಳ್ಳಿರಿ.

ಕುಂಭ: ಇಚ್ಛಿತ ಕಾರ್ಯಗಳಲ್ಲಿ ಕೆಲವೊಂದು ಸುಸೂತ್ರವಾಗಿ ನಡೆಯಲಿವೆ. ದೇವತಾಕಾರ್ಯಗಳು ಮನೆಯಲ್ಲಿ ನಡೆದಾವು. ವೃತ್ತಿರಂಗದಲ್ಲಿ ಪ್ರಮುಖರ ಭೇಟಿಯು ನಿಮ್ಮ ಕಾರ್ಯಾನುಕೂಲಕ್ಕೆ ಪೂರಕವಾಗಲಿದೆ. ಮುನ್ನಡೆಯಿರಿ.

ಮೀನ: ಪ್ರಯತ್ನಬಲ, ವಿಶ್ವಾಸ, ಪ್ರಾಮಾಣಿಕ ಯತ್ನಕ್ಕೆ ನಿಶ್ಚಿತ ರೂಪದಲ್ಲಿ ಯಶಸ್ಸು ನಿಮ್ಮನ್ನು ಹಿಂಬಾಲಿಸಲಿದೆ. ಹಿರಿಯರ ಹಾರೈಕೆ, ಸೂಕ್ತ ಸಲಹೆ, ಮಾರ್ಗದರ್ಶನದಿಂದ ಮುನ್ನಡೆಗೆ ಸಾಧಕವಾಗಲಿದೆ. ಅತಿಯಾದ ಶ್ರಮವು ನಿಮ್ಮದಾಗಲಿದೆ.

ಎನ್‌.ಎಸ್‌. ಭಟ್‌