ಆಗಸ್ಟ್‌ನಲ್ಲಿ ಸಿನಿ-ಟಿವಿ ಕೈಪಿಡಿ

Team Udayavani, Jul 6, 2018, 6:00 AM IST

ಕನ್ನಡ ಸಿನಿಮಾ ಮತ್ತು ಕಿರುತೆರೆಯ ಕಲಾವಿದರ, ತಂತ್ರಜ್ಞರ ಫೋನ್‌ ನಂಬರ್‌ ಮತ್ತು ವಿಳಾಸವನ್ನು ಒಂದೆಡೆ ಸೇರಿಸಿ ಮೊದಲಿಗೆ ಕೈಪಿಡಿ ಮಾಡಿದವರು ಲಿಂಗರಾಜ್‌. ಅದಕ್ಕೂ ಮುನ್ನ ಸಿನಿಮಾ ಪ್ರಚಾರಕರ್ತರಾಗಿದ್ದ ಅವರು, ಈ ಕೈಪಿಡಿ ಮಾಡುವುದರ ಮೂಲಕ ಚಿತ್ರರಂಗ ಮತ್ತು ಕಿರುತೆರೆಯನ್ನು ಜನ ಸಾಮಾನ್ಯರಿಗೆ ಇನ್ನಷ್ಟು ಹತ್ತಿರ ತಂದರು. ಈ ಕೈಪಿಡಿ ಏಳು ಬಾರಿ ಪ್ರಕಟಗೊಂಡಿದ್ದು, ಈಗ ಇನ್ನಷ್ಟು ಅಪ್‌ಡೇಟ್‌ಗಳೊಂದಿಗೆ ಎಂಟನೇ ಆವೃತ್ತಿ ತಯಾರಾಗುತ್ತಿದೆ. ಆ ಎಂಟನೇ ಪರಿಷ್ಕೃತ ಆವೃತ್ತಿಯು ಮುಂದಿನ ತಿಂಗಳು ಬಿಡುಗಡೆಯಾಗಲಿದೆ. ಈ ಬಾರಿಯ ವಿಶೇಷವೆಂದರೆ, ಬರೀ ಸಿನಿಮಾ ಮತ್ತು ಟಿವಿಯಷ್ಟೇ ಅಲ್ಲದೆ, ಪ್ರತಿಯೊಬ್ಬರಿಗೂ ಅನುಕೂಲವಾಗುವಂತಹ ಒಂದಷ್ಟು ತುರ್ತು ಸೇವೆಯ ಮಾಹಿತಿ ಮತ್ತು ಸಂಪರ್ಕಗಳೂ ಈ ಕೈಪಿಡಿಯಲ್ಲಿ ಸಿಗಲಿದೆ. ಈ ಡೈರಿಗೆ ಬದಲಾದ ಸಂಪರ್ಕಗಳನ್ನು ಸೇರಿಸಬಯಸುವವರು 9448613976 ನಂಬರನ್ನು ಸಂಪರ್ಕಿಸಬಹುದು.