ಲೈಟ್‌ ಆನ್‌, ಗಾಡಿ ಆಫ್ 2ನೇ ಹಂತ

Team Udayavani, Nov 20, 2021, 6:35 AM IST

ಹೊಸದಿಲ್ಲಿ: ಹೊಸದಿಲ್ಲಿ ವಾಯು ಗುಣಮಟ್ಟ ಸತತ 6ನೇ ದಿನವೂ “ಅತ್ಯಂತ ಕಳಪೆ’ ಕೆಟಗರಿ­ಯಲ್ಲಿ ಮುಂದುವರಿದಿದ್ದು, ಶುಕ್ರವಾರ ಈ ಸೂಚ್ಯಂಕ 332ಕ್ಕೆ ತಲುಪಿದೆ.

ವಾಹನಗಳ ಮಾಲಿನ್ಯಕ್ಕೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ಹೊಸದಿಲ್ಲಿಯ ಆಮ್‌ ಆದ್ಮಿ ಸರಕಾರ “ರೆಡ್‌ ಲೈಟ್‌ ಆನ್‌, ಗಾಡಿ ಆಫ್’ ಅಭಿಯಾನದ ಎರಡನೇ ಹಂತಕ್ಕೆ ಶುಕ್ರವಾರ ಚಾಲನೆ ಕೊಟ್ಟಿದೆ. ಅಲ್ಲದೇ ಸಮ-ಬೆಸ ಯೋಜನೆ­ಯನ್ನೂ ಮರು ಜಾರಿ ಮಾಡಲು ನಿರ್ಧರಿಸಿದೆ.

ನಗರದ 100 ಕ್ರಾಸಿಂಗ್‌ನಲ್ಲಿ ಈ ಅಭಿ­ಯಾನ ಆರಂಭವಾಗಿದೆ. ಐಟಿಒ ಕ್ರಾಸಿಂಗ್‌ಗೆ ಶುಕ್ರವಾರ ಭೇಟಿ ನೀಡಿದ ಹೊಸದಿಲ್ಲಿ ಪರಿಸರ ಸಚಿವ ಗೋಪಾಲ್‌ ರಾಯ್‌, ಈ ಅಭಿ­ಯಾನಕ್ಕೆ ಸಂಪೂರ್ಣ ಬೆಂಬಲ ನೀಡುವ ಮೂಲಕ ಮಾಲಿನ್ಯದ ವಿರುದ್ಧ ಹೋರಾಡು­ವಂತೆ ನಾಗರಿಕರಿಗೆ ಮನವಿ ಮಾಡಿದ್ದಾರೆ.

“ಪ್ರತೀ ದಿನ ಒಬ್ಬ ವ್ಯಕ್ತಿ ಟ್ರಾಫಿಕ್‌ ಸಿಗ್ನಲ್‌ನಲ್ಲಿ ಸರಾಸರಿ 20-25 ನಿಮಿಷಗಳ ಕಾಲ ಇಂಧನ ವ್ಯಯಿಸುತ್ತಾನೆ. ಇದು ಕೂಡ ಮಾಲಿನ್ಯಕ್ಕೆ ದೊಡ್ಡ ಕೊಡುಗೆ ನೀಡುತ್ತಿದೆ. ಹೀಗಾಗಿ, ಟ್ರಾಫಿಕ್‌ನಲ್ಲಿ ಕೆಂಪು ದೀಪ ಉರಿದಾಗ, ಎಲ್ಲರೂ ವಾಹನಗಳನ್ನು ಸಂಪೂರ್ಣವಾಗಿ ಆಫ್ ಮಾಡುವ ಮೂಲಕ ಮಾಲಿನ್ಯಕ್ಕೆ ಕಡಿವಾಣ ಹಾಕುವುದು ಅಭಿಯಾ­ನದ ಉದ್ದೇಶ’ ಎಂದು ರಾಯ್‌ ಹೇಳಿದ್ದಾರೆ.

ಇದನ್ನೂ ಓದಿ:ಬಡವರು, ದಲಿತರು, ರೈತರ ಬಗ್ಗೆ ಇಂದಿರಾಗಾಂಧಿ ಕಳಕಳಿ ಅಪಾರ

ನಾಸಾ ಉಪಗ್ರಹದಲ್ಲಿ ಸೆರೆ: ನ.11ರಂದು ನಾಸಾದ ಸುವೋಮಿ ಎನ್‌ಪಿಪಿ ಉಪಗ್ರಹವು ಸೆರೆಹಿಡಿ­ದಿರುವ ಚಿತ್ರಗಳಲ್ಲಿ ಪಂಜಾಬ್‌ ಮತ್ತು ಹರಿಯಾಣಗಳಲ್ಲಿ ಏಳುವ ಹೊಗೆಯು ಹೊಸದಿಲ್ಲಿಯತ್ತ ಸಂಚರಿಸುವುದು ದಾಖಲಾ­ಗಿದೆ. ಉಪಗ್ರಹದಲ್ಲಿನ “ವಿಸಿಬಲ್‌ ಇನ್‌ಫ್ರಾರೆಡ್‌ ಇಮೇಜಿಂಗ್‌ ರೇಡಿಯೋ­ಮೀಟರ್‌ ಸೂಟ್‌’ (ವಿಐಐಆರ್‌ಎಸ್‌) ಮೂಲಕ ಈ ಚಟು ವಟಿಕೆಯನ್ನು ಪತ್ತೆಹಚ್ಚಲಾಗಿದೆ. ಇದು ಸಮುದ್ರ ಮತ್ತು ಭೂಪ್ರದೇಶದಲ್ಲಿನ ತಾಪ ಮಾನ ಬದಲಾವಣೆ ಹಾಗೂ ಬೆಂಕಿಯ ಚಟುವಟಿಕೆಯನ್ನು ಪತ್ತೆಹಚ್ಚುತ್ತದೆ.