ಲೈಂಗಿಕ ಕ್ರಿಯೆಯ ವೀಡಿಯೋ ಮಾರಿಕೊಳ್ತಾರೆ

Team Udayavani, Apr 18, 2017, 6:01 AM IST

ಹಣ ಸಿಗುತ್ತದೆ ಎಂದಾದರೆ ಏನು ಮಾಡಲೂ ಸಿದ್ಧರಿದ್ದಾರೆ.ಅದಕ್ಕೆ ಪೂರಕವಾಗಿ ಭಾರತದ ಕೆಲ ಯುವ ದಂಪತಿಗಳು ಹಣಕ್ಕಾಗಿ ಆನ್‌ಲೈನ್‌ನಲ್ಲಿ ಮಾನ ಮಾರಿಕೊಳ್ಳುತ್ತಿದ್ದಾರೆಂಬ ಅಂಶ ಈಗ ಬಹಿರಂಗವಾಗಿದೆ. ತಮ್ಮ ಲೈಂಗಿಕ ಕ್ರಿಯೆಯ ವಿಡಿಯೋಗಳನ್ನು ಪೋರ್ನ್ ವೆಬ್‌ಸೈಟ್‌ ಗಳಿಗೆ ದುಡ್ಡಿಗಾಗಿ ಮಾರಿಕೊಳ್ಳುತ್ತಿದ್ದಾರೆ. ಇಂಥ ಅಸಹ್ಯ ಬೆಳವಣಿಗೆಗಳನ್ನು ಆದಷ್ಟು ಬೇಗ ತಡೆಗಟ್ಟುವಂತೆ ಸೈಬರ್‌ ತಜ್ಞರು ಎಚ್ಚರಿಸಿದ್ದಾರೆ. ಇತ್ತೀಚೆಗೆ ದೇಶದಲ್ಲಿ ಸಾವಿರಾರು ಪೋರ್ನ್ ಸೈಟ್‌ಗಳನ್ನು ಬ್ಯಾನ್‌ ಮಾಡಿದ ನಂತರ ಇಂಥ ಬೆಳವಣಿಗೆ ಕಂಡುಬಂದಿದೆ. ಇಲ್ಲಿ ತಿಂಗಳಿಗೆ 15 ಲಕ್ಷ ರೂ. ಸಂಪಾದಿಸಲು ಅವಕಾಶವಿರುವುದರಿಂದ ಭಾರತದ ಯುವ ದಂಪತಿ ಬಹುಬೇಗ ಇದರತ್ತ ಆಕರ್ಷಿತ ರಾಗುತ್ತಿದ್ದಾರೆ.

ದಂಪತಿ ತಾವು ಲೈಂಗಿಕ ಸಂಪರ್ಕ ನಡೆಸುವ, ವಿವಸ್ತ್ರಗೊಳ್ಳುವ ವೀಡಿಯೋಗಳನ್ನು ಪೋರ್ಟಲ್‌ಗ‌ಳಿಗೆ ಕಳುಹಿಸಿದರೆ, ಡಿಜಿಟಲ್‌ ವ್ಯವಸ್ಥೆ ಮೂಲಕ ಹಣ ವರ್ಗಾವಣೆಯಾಗುತ್ತದೆ. ಪ್ರಸ್ತುತ ಭಾರತದಲ್ಲಿ 2000 ಜೋಡಿ ಇಂಥ ಕೃತ್ಯದಲ್ಲಿ ತೊಡಗಿದ್ದಾರೆ.