ಮನೆಯೊಳಗೆ ನಾಯಿ ಬಿಟ್‌ಹೋಗ್ಬೇಡಿ ಸ್ವಾಮಿ

Team Udayavani, Feb 8, 2018, 4:10 AM IST

ಪೇಟೆ ಪಟ್ಟಣಗಳಲ್ಲಿ ಶಾಪಿಂಗ್‌ಗೆ ಹೋಗುವಾಗ ಪುಟ್ಟ ಮಕ್ಕಳನ್ನು, ನಾಯಿಯನ್ನು ಮನೆಯಲ್ಲೇ ಬಿಟ್ಟು ಹೋಗುತ್ತಾರೆ ಅಥವಾ ಕರೆದುಕೊಂಡು ಹೋಗುತ್ತಾರೆ. ಅದರಲ್ಲೂ ವಿಶೇಷವಾಗಿ ನಾಯಿಯನ್ನು ಮನೆಯೊಳಗೇ ಓಡಾಡಲು ಬಿಟ್ಟರೆ ಏನಾಗುತ್ತದೆ ಗೊತ್ತಾ? ಅಮೆರಿಕದ ಮೆಸಾಚ್ಯುಸೆಟ್ಸ್‌ನಲ್ಲಿ ಕುಟುಂಬವೊಂದು ಯಾವುದೋ ಕಾರಣಕ್ಕಾಗಿ ಹೊರಗೆ ಹೋಗಿತ್ತು. ಅವರು ಸಾಕಿದ ಎರಡು ನಾಯಿಗಳನ್ನು ಜತೆಗೆ ಕರೆದುಕೊಂಡು ಹೋಗಿರಲಿಲ್ಲ. ಹೀಗಾಗಿ, ಅವುಗಳು ಜಾಲಿಯಾಗಿ ಮನೆಯೊಳಗೇ ಓಡಾಡಿಕೊಂಡು ಇದ್ದವು. ಅವಕ್ಕೆ ಹಸಿವಾಗಿತ್ತೋ ಇಲ್ಲವೋ ಗೊತ್ತಿಲ್ಲ. ಏನನ್ನೋ ಯೋಚಿಸಿಕೊಂಡು ಅಡುಗೆ ಮನೆಗೆ ಸೀದಾ ಹೋದವು.

ಮನೆಯೊಡತಿ ಏನನ್ನೋ ಬೇಯಿಸಲು ಸ್ಟೌ ಮೇಲೆ ಇರಿಸಿದ್ದರು. ಅದು ಇನ್ನೂ ಆನ್‌ ಆಗಿಯೇ ಇತ್ತು. ಛಂಗನೆ ಎರಡೂ ಕೂಡ ಸ್ಟೌ ಮೇಲೆ ನೆಗದೇ ಬಿಟ್ಟವು. ಪಾತ್ರೆ ಕೆಳಗೆ ಬಿದ್ದದ್ದಲ್ಲದೆ ಬೆಂಕಿಯೂ ಹತ್ತಿಕೊಂಡು ಹೊಗೆ ಮನೆಯೊಳಗೆ ಆವರಿಸಿತು. ಅದರಿಂದ ಭೀತಿಗೊಂಡ ಶ್ವಾನಗಳೆರಡು ಮನೆಯ ಹಾಲ್‌ಗೆ ಬಂದು ಸೋಫಾವನ್ನೇರಿದವು. ಅಲರಾಮ್‌ ಕೇಳಿದ ಅಗ್ನಿಶಾಮಕ ಸಿಬ್ಬಂದಿ ಮನೆಗೆಯೊಳಗೆ ಬಂದು ಬೆಂಕಿ ನಂದಿಸಿದರು.