ಕಳೆದು ಹೋಗಿದ್ದ ಆಮೆ ಮನೆ ಸೇರಿದಾಗ!

Team Udayavani, Jul 31, 2017, 5:56 AM IST

ಕಳೆದು ಹೋದ ವಸ್ತುಗಳು ಸಿಗುವುದಂತೂ ಕೆಲವೊಮ್ಮೆ ಅಪರೂಪಕ್ಕೆ ಒಮ್ಮೊಮ್ಮೆ ಸಿಗುತ್ತದೆ. ಸಾಕು ಪ್ರಾಣಿಗಳ
ವಿಚಾರದಲ್ಲಿ ಹೀಗಾಗುವುದುಂಟು. ಅವುಗಳು ಯಾವುದೊ ಕಾರಣದಿಂದ ತಮ್ಮ ಪ್ರೀತಿಯ ಮಾಲೀಕನಿಂದ ತಪ್ಪಿಸಿ
ಕೊಂಡಿರುತ್ತವೆ. ಹೇಗೋ ದಾರಿ ಹುಡುಕಿಕೊಂಡು ಸ್ವಸ್ಥಾನ ಸೇರುತ್ತವೆ. ಕೆಲ ವರ್ಷಗಳ ಹಿಂದೆ ಮಹಾರಾಷ್ಟ್ರದಿಂದ
ಮಧ್ಯಪ್ರದೇಶಕ್ಕೆ ಹುಲಿಯೊಂದು ತನ್ನ ಮೂಲ ಸ್ಥಾನಕ್ಕೆ ಹೋಗಿದ್ದು ವಿಶ್ವಾದ್ಯಂತ ಸುದ್ದಿಯಾಗಿತ್ತು. ಇಲ್ಲಿಯೊಂದು
ಬೇರೆಯೇ ಕಥೆ ಇದೆ. ನ್ಯೂ ಮೆಕ್ಸಿಕೋದ ಲ್ಯೂಬರುಕ್‌ನಲ್ಲಿ ವ್ಯಕ್ತಿಯೊಬ್ಬರು ಆಮೆ ಸಾಕಿದ್ದರು. ಅದರ ವಯಸ್ಸು 115.
ಕುಟುಂಬದ ಸದಸ್ಯರ ಜತೆಗೆ ಆಮೆಯನ್ನೂ ಕರೆದುಕೊಂಡು ಕೆಲ ಸಮಯದ ಹಿಂದೆ ಪಾರ್ಕ್‌ಗೆ ಹೋಗಿದ್ದರು. ಎಲ್ಲರೂ
ಮನಸ್ಸಿಗೆ ಸಾಕೆನಿಸುವಷ್ಟು ತಿಂದುಂಡರು, ಆಟವಾಡಿ ಮನೆಗೆ ಬಂದರು. ಅಲ್ಲಿಂದ ಹೊರಡುವಾಗ ಆಮೆಯ
ಸುಳಿವೇ ಇರಲಿಲ್ಲ. ಎಲ್ಲಿ ಹೋಯಿತು ಎಂದು ಕುಟುಂಬ ದವರಿಗೂ ಗೊತ್ತಾಗಲಿಲ್ಲ. ಅವರಂತೂ ಹುಡುಕಿ ಸುಸ್ತು
ಹೊಡೆದಿದ್ದರು. ಶುಕ್ರವಾರ ಬಾಗಿಲು ತೆಗೆ ದಾಗ ಅವರಿಗೆ ಅಚ್ಚರಿ ಕಾದಿತ್ತು. ನಾಪತ್ತೆಯಾಗಿದ್ದ ಆಮೆ ಮನೆ ಸೇರಿತ್ತು.