ಅಗ್ನಿಶಾಮಕ ಲಾಂಛನಕ್ಕೆ ಪ್ರತಿಭಟನೆಯ ಸ್ವಾಗತ
Team Udayavani, Nov 10, 2018, 4:30 AM IST
ಹಾಂಕಾಂಗ್ನ ಅಗ್ನಿಶಾಮಕ ದಳ ಹೊಸತಾಗಿ ಸಿದ್ಧಪಡಿಸಿದ ಲಾಂಛನ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇಲ್ಲಿ ವೈರಲ್ ಆಗಿದ್ದು ವಿಶೇಷವಲ್ಲ. ಅದಕ್ಕೆ ಸಂಬಂಧಿಸಿದ ವಿವಾದವೇ ವಿಶೇಷ.
ಸೋಮವಾರ ಅದನ್ನು ವಿಶೇಷವಾಗಿ ಆಯೋಜಿಸಿದ್ದ ಪತ್ರಿಕಾಗೋಷ್ಠಿಯಲ್ಲಿ ಅದ್ಧೂರಿಯಾಗಿಯೇ ಬಿಡುಗಡೆ ಮಾಡಲಾಗಿತ್ತು. “ಯಾಮ್ ಹೋರ್ ಯಾನ್’ ಅಥವಾ “ಯಾವುದೇ ಹಂತದಲ್ಲಿ ಎಲ್ಲರಿಗೂ ನೆರವು’ ಎಂಬ ಅರ್ಥವನ್ನು ಕೊಡುವ ಸಂಪೂರ್ಣ ನೀಲಿ ಬಣ್ಣದ ಲಾಂಛನಕ್ಕೆ ಫೇಸ್ಬುಕ್, ಟ್ವಿಟರ್ನಲ್ಲಿ ಭಾರೀ ಟೀಕೆ
ವ್ಯಕ್ತವಾಗಿದೆ.
ತಲೆಯಿಂದ ಕೆಳಗಿನ ತನಕ ಮುಚ್ಚಿರುವ ಈ ಲಾಂಛನ ಜಪಾನ್ನ ನೀಲಿ ಚಿತ್ರಕ್ಕೆ ಹೋಲುತ್ತದೆ ಎಂದು ಒಬ್ಬರು
ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ. ಇದರ ಹೊರತಾಗಿಯೂ ಬುಧವಾಕ ಅಗ್ನಿಶಾಮಕ ದಳ ಪ್ರತಿಕ್ರಿಯೆ ನೀಡಿ ಲಾಂಛನದಲ್ಲಿ ಯಾವುದೇ ರೀತಿಯ ಬದಲಾವಣೆ ಇಲ್ಲ. ಹಾಂಕಾಂಗ್ನ ನಾಗರಿಕರಿಗೆ ತುರ್ತು ಸಂದರ್ಭದಲ್ಲಿ
ಅಗತ್ಯ ಸಹಾಯ ಹಸ್ತ ದೊರೆಯುತ್ತದೆ ಎಂದು ಹೇಳಿಕೊಂಡಿದೆ.