ಒಟ್ಟಿಗೇ ಸಾಯಲು ಹಾವಿನಿಂದ ಕಚ್ಚಿಸಿಕೊಂಡ ವ್ಯಕ್ತಿ ಹೆಂಡತಿಗೆ ಕಚ್ಚಿದ!

Team Udayavani, Jun 17, 2017, 6:34 AM IST

“ನಿನ್ನನ್ನು ಬಿಟ್ಟು ಬದುಕಲಾರೆ. ಸತ್ತರೆ ಒಟ್ಟಿಗೇ ಸಾಯುವ’ ಎಂದೆಲ್ಲಾ ಬಡಬಡಿಸುವ ದಂಪತಿಗಳು ಎಷ್ಟೋ ಜನ. ಅವ ರೆಲ್ಲ ಸಾಯುವ ವೇಳೆ ತಾವು ಕೊಟ್ಟ ಮಾತನ್ನು ನಿಜಕ್ಕೂ ಪಾಲಿಸುತ್ತಾರೆಯೇ? ಬಿಹಾರದ ಶಂಕರ್‌ ರಾಯ್‌, ಅಮೀರಿ ದೇವಿ ಅಂಥ ಕೆಲಸ ಮಾಡಿದ್ದಾರೆ. ಆದರೆ ಇದು ಸಾಮಾನ್ಯದ ಸಾವಿನ ಕಥೆಯಲ್ಲ.

ಮಲಗಿದ್ದ ಶಂಕರ್‌ಗೆ ಹಾವು ಕಚ್ಚಿದೆ. ನಿದ್ದೆಯಲ್ಲಿ ಆತನಿಗದು ಅರಿವಾಗಿಲ್ಲ. ಎಚ್ಚರ ವಾದಾಗ ಆತನಿಗೆ ಹಾವು ಕಚ್ಚಿರುವುದಾಗಿ ಮತ್ತು ಆತ ಕೆಲವೇ ಕ್ಷಣಗಳು ಬದುಕುವುದಾಗಿ ಅರಿವಾಗಿದೆ. ತನ್ನ
ಪ್ರೀತಿಯ ಹೆಂಡತಿಯನ್ನು ಬಿಟ್ಟು ತಾನೊಬ್ಬನೇ ಸಾಯಲು ಆತನಿಗೆ ಮನಸ್ಸಾಗದ ಕಾರಣ ಆತ ತನ್ನ ಹೆಂಡತಿ ಕೈಗೆ ಕಚ್ಚಿದ್ದಾನೆ. ಸ್ವಲ್ಪ ಸಮಯದ ಬಳಿಕ ಆತ ಮೃತಪಟ್ಟಿದ್ದಾನೆ.ಅಷ್ಟರಲ್ಲಿ ಹೆಂಡತಿಗೂ ಹಾವಿನ ವಿಷ ಏರಿದೆ. ಕೂಡಲೆ ಆಕೆಗೆ ಚಿಕಿತ್ಸೆ ಕೊಡಿಸಲಾಗಿ ಆಕೆ ಬದುಕಿದ್ದಾಳೆ.

ತನ್ನ ಗಂಡ ಸಾವಲ್ಲೂ ನಾವು ಒಂದಾಗುವ ಎಂದು ಹೇಳಿದ. ಆದ್ದರಿಂದ ನನಗೆ ಕಚ್ಚಲು ನಾನೇ ಅನುಮತಿ ನೀಡಿದೆ ಎಂದಿದ್ದಾಳೆ ಪತ್ನಿ.