ಹಾರುತ್ತಿರುವ ವಿಮಾನಏರಿದ ಸಾಹಸಿಗಳು!
Team Udayavani, Nov 30, 2017, 3:38 AM IST
ಹಾರುತ್ತಿರುವ ವಿಮಾನ ಅಥವಾ ಹೆಲಿಕಾಪ್ಟರ್ನಿಂದ ಪ್ಯಾರಾಚೂಟ್ ಕಟ್ಟಿಕೊಂಡು ಹಾರುವ ಸಾಹಸ ಈ ಹಿಂದೆ ರೋಮಾಂಚಕವಾಗಿತ್ತು. ಅಂಥ ಸಾಹಸವನ್ನು ಬೆರಗಿನಿಂದ ಕೇಳುತ್ತಿದ್ದೆವು. ಆದರೆ ಈಗ ಸಾಹಸಿಗರು ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ. ಫ್ರಾನ್ಸ್ನ ಫ್ರೆಡ್ ಫುಗೆನ ಮತ್ತು ವಿನ್ಸ್ ರೆಫೆಟ್ ವಿಭಿನ್ನ ಸಾಹಸ ಮಾಡಿದ್ದು, ಹಾರುತ್ತಿರುವ ವಿಮಾನವನ್ನೇರಿ ಅಚ್ಚರಿಗೊಳಿಸಿದ್ದಾರೆ.
ಯುರೋಪ್ನ ಅತ್ಯಂತ ಎತ್ತರದ ಪರ್ವತ ಎಂದು ಕರೆಯಲಾಗುವ ಬರ್ನೀಸ್ ಪರ್ವತದಿಂದ ವಿಂಗ್ಸೂಟ್ ಧರಿಸಿ ಧುಮುಕಿ, ಸಣ್ಣ ವಿಮಾನವನ್ನು ಬೆನ್ನಟ್ಟಿ ಹೋಗಿದ್ದಾರೆ. ಈ ವಿಮಾನ ಹಾರುತ್ತಿರುವಾಗಲೇ ಅದರ ಬಾಗಿಲಿನಿಂದ ಒಬ್ಬರಾದ ಮೇಲೆ ಒಬ್ಬರಂತೆ ಒಳ ಹೋಗಿದ್ದಾರೆ.
ಒಟ್ಟು ಸನ್ನಿವೇಶದ ವೀಡಿಯೋ ಚಿತ್ರೀಕರಣ ಮಾಡಿದ್ದು, ಅಂತರ್ಜಾಲ ತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಈ ಸಾಹಸಕ್ಕಾಗಿ ತಿಂಗಳುಗಟ್ಟಲೆ ತಯಾರಿ ಮಾಡಿಕೊಂಡಿದ್ದೆವು ಎಂದು ಫ್ರೆಡ್ ಹೇಳಿದ್ದಾರೆ. ವಿಂಗ್ಸೂಟ್ ಜತೆಗೆ ಪ್ಯಾರಾಚೂಟ್ ಕೂಡ ಬಳಸಿದ್ದೆವು. ಆದರೆ ಅದು ಬೇಗ ತೆರೆಯದೇ ಸಮಸ್ಯೆಯಾಗ ಬಹುದೆಂದು ವಿಂಗ್ಸೂಟ್ ಬಳಸಿದ್ದೇವೆ. ಒಟ್ಟು 20 ಬಾರಿ ರಿಹರ್ಸಲ್ ಮಾಡಿದ್ದೇವೆ ಎಂದು ಅವರು ಹೇಳಿದ್ದಾರೆ.