ಏನಿದು ಕ್ಲಬ್ ಹೌಸ್ ಆ್ಯಪ್: ಇದರ ಜನಪ್ರಿಯತೆಗೆ ಕಾರಣಗಳೇನು ?
Team Udayavani, Jun 9, 2021, 11:40 AM IST
ಕ್ಲಬ್ ಹೌಸ್ … ಕಳೆದ ಕೆಲವು ದಿನಗಳಿಂದ ಬಹುಚರ್ಚೆಯಲ್ಲಿರುವ ವಿಷಯ. ಫೇಸ್ ಬುಕ್, ಟ್ವಿಟ್ಟರ್, ಇನ್ ಸ್ಟಾಗ್ರಾಂ ಮಾದರಿಯಲ್ಲೆ ಅತ್ಯಲ್ಪ ಅವಧಿಯಲ್ಲಿ ಜನರನ್ನು ಸೆಳೆದಂತಹ ಆ್ಯಪ್. ಇದು ಕೂಡ ಒಂದು ಸಾಮಾಜಿಕ ಜಾಲತಾಣ. ಆದರೆ ಇದರಲ್ಲಿ ಇತರ ಜಾಲತಾಣಗಳಂತೆ ಪೋಸ್ಟ್ ಹಾಕಲು ಸಾಧ್ಯವಿಲ್ಲ ಮತ್ತು ಟೈಪ್ ಮಾಡಲಾಗುವುದಿಲ್ಲ. ಅದರ ಬದಲು ಇಲ್ಲಿ ವಾಯ್ಸ್ ಚಾಟ್ ಮೂಲಕ ಸಂವಹನ ನಡೆಸಬಹುದು.
ಇಷ್ಟು ವರ್ಷಗಳ ಕಾಲ ಫೋಟೋ, ವಿಡಿಯೋ, ಸಂದೇಶಗಳ ಮೂಲಕ ವ್ಯವಹರಿಸಲು ಹಲವು ಸೋಶಿಯಲ್ ಮೀಡಿಯಾಗಳಿದ್ದವು. ಆದರೇ ವಾಯ್ಸ್ ಚಾಟ್ ನಡೆಸಲು ಪ್ರತ್ಯೇಕವಾದ ಆ್ಯಪ್ ಗಳಿರಲಿಲ್ಲ. ಇದ್ದರೂ ಪರಿಣಾಮಕಾರಿಯಾಗಿರಲಿಲ್ಲ. ಇದೀಗ ಬಂದಿರುವ ಕ್ಲಬ್ ಹೌಸ್ ಆ್ಯಪ್ ಈ ಎಲ್ಲಾ ಕೊರತೆಗಳನ್ನು ನೀಗಿಸಿದೆ. ಇಲ್ಲಿ ಸಾಮಾನ್ಯರಿಂದ ಹಿಡಿದು ಜನಪ್ರಿಯ ವ್ಯಕ್ತಿಗಳಿದ್ದಾರೆ. ಪ್ರತಿ ಮಾತುಕತೆಯೂ ಕೂಡ ಲೈವ್ ಮೂಲಕವೇ ಜರುಗುತ್ತವೆ. ಆದ್ದರಿಂದ ಆ್ಯಪ್ ಎಂಗೇಜ್ ಮೆಂಟ್ ಪ್ರಮಾಣವೂ ಹೆಚ್ಚಾಗುತ್ತಿದೆ.
ಮೊದಲು ಐಫೋನ್ನಲ್ಲಿ ಈ ತಂತ್ರಜ್ಞಾನ ಲಭ್ಯವಿತ್ತು. ಈಗ ಇದು ಆ್ಯಂಡ್ರಾಯ್ಡ್ ಗೂ ಲಗ್ಗೆ ಇಟ್ಟಿದೆ. ಇದರ ಫೀಚರ್ ಗಳು ಕೂಡ ಅತ್ಯುತ್ತಮವಾಗಿರುವುದರಿಂದ ಡೌನ್ಲೋಡ್ ಪ್ರಮಾಣ ಹೆಚ್ಚಾಗಿದೆ. ಹೊಸ ಅಪ್ ಡೇಟ್ ನಲ್ಲಿ ಬಳಕೆದಾರರು ತಮ್ಮ ಇನ್ಸ್ಟಾಗ್ರಾಮ್ ಪ್ರೊಫೈಲ್ ಸೇರ್ಪಡೆ ಮಾಡುವ ಅವಕಾಶವಿದೆ.
ಈ ಅಪ್ಲಿಕೇಶನ್ ನನ್ನು ಆಲ್ಫಾ ಎಕ್ಸ್ ಫ್ಲೊರೇಶನ್ ಕಂಪೆನಿ ಮೂಲಕ ಪೌಲ್ ಡೇವಿಸನ್ ಹಾಗೂ ರೋಹನ್ ಸೇಠ್ 2020ರ ಮಾರ್ಚ್ ನಲ್ಲಿ ಬಳಕೆಗೆ ತಂದರು (ಐಒಎಸ್). 2021ರ ಮೇನಲ್ಲಿ ಆ್ಯಂಡ್ರಾಯ್ಡ್ ನಲ್ಲಿ ಈ ಅಪ್ಲಿಕೇಶನ್ ಜಾರಿಗೆ ಬಂತು. ಕ್ಲಬ್ಹೌಸ್ ಎಂಬುದು ಇನ್ವಿಟೇಷನ್ ಓನ್ಲಿ ಸೋಷಿಯಲ್ ಮೀಡಿಯಾ ಆ್ಯಪ್. ಇದರ ಮೂಲಕವಾಗಿ ಚಾಟ್ ರೂಮ್ಗಳಲ್ಲಿ ಬಳಕೆದಾರರು ಧ್ವನಿಯ ಮೂಲಕ ಸಂವಹನ ನಡೆಸಬಹುದು. ಇದರಲ್ಲಿ 5000 ಮಂದಿಯ ತನಕ ಒಂದು ಗುಂಪಾಗಿ ವಾಯ್ಸ್ ಚಾಟಿಂಗ್ ಮಾಡುವ ಅವಕಾಶ ಇದೆ.
ಈ ಆ್ಯಪ್ನಲ್ಲಿ ನಡೆಯುವ ಸಂಭಾಷಣೆಗಳ ರೆಕಾರ್ಡ್ ಮಾಡುವುದಕ್ಕೆ, ದಾಖಲಿಸುವುದಕ್ಕೆ, ಮತ್ತೊಮ್ಮೆ ಪ್ರಸಾರ ಮಾಡುವುದಕ್ಕೆ ಅವಕಾಶ ಇಲ್ಲ. ಉದಾ: ಎಲನ್ ಮಸ್ಕ್ ಕ್ಲಬ್ ಹೌಸ್ ಮೂಲಕ ಮಾತನಾಡುತ್ತಿದ್ದಾರೆ ಎಂದಿಟ್ಟುಕೊಳ್ಳಿ. ಈ ಮಾತುಕತೆಯನ್ನು ಯಾರೂ ಬೇಕಾದರೂ ಕೇಳಿಸಿಕೊಳ್ಳಬಹುದು. ನಿಮಗೆ ಪ್ರಶ್ನೆ ಕೇಳಬೇಕೆಂದು ಅನಿಸಿದರೆ ‘ಕೈ ಗುರುತು’ ಇರುವ ಲೋಗೋವನ್ನು ಒತ್ತಿದರಾಯಿತು. ರೂಂ ಕ್ರಿಯೆಟ್ ಮಾಡಿದವರು ಪ್ರಶ್ನೆ ಕೇಳಲು ಅನುವು ಮಾಡಿಕೊಡುತ್ತಾರೆ.
ಇಲ್ಲಿ ನಿಮ್ಮದೆ ಆದ ಅಕೌಂಟ್ ಕ್ರಿಯೆಟ್ ಮಾಡಬಹುದು. ಪ್ರಸಿದ್ದ ವ್ಯಕ್ತಿಗಳನ್ನು, ನಿಮ್ಮ ಸ್ನೇಹಿತರನ್ನು “Follow” ಮಾಡಬಹುದು. ಇದೀಗ ಈ ಅಪ್ಲಿಕೇಶನ್ 2 ಮಿಲಿಯನ್ ಗಿಂತಲೂ ಹೆಚ್ಚು ಆ್ಯಂಡ್ರಾಯ್ಡ್ ಡೌನ್ ಲೋಡ್ ಗಳಾಗಿದೆ. ಮಾರ್ಕ್ ಜುಕರ್ ಬರ್ಗ್, ಎಲನ್ ಮಸ್ಕ್ ರಂತಹ ಜನಪ್ರಿಯ ವ್ಯಕ್ತಿಗಳು ಕೂಡ ಈ ಆ್ಯಪ್ ಬಳಸುತ್ತಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
ಇದು ಮನರಂಜನೆಯ ಲೋಕ: ಮನಸ್ಸನ್ನು ಹಗುರಾಗಿಸುವ ಒಂದು ಪರ್ಯಾಯ ಮಾರ್ಗ
WhatsApp ಭಾರತದಲ್ಲಿ ಸ್ಥಗಿತಗೊಳಿಸ್ತೇವೆ; ಹೈಕೋರ್ಟ್ ಮೆಟ್ಟಿಲೇರಿದ ಪ್ರಕರಣ, ಏನಿದು?
T20 World Cup; ಯಾರಿಲ್ಲ.. ಯಾರಿಲ್ಲ.. ವಿಶ್ವಕಪ್ ಗೆ ವೇಗದ ಬೌಲರ್ ಗಳು ಯಾರೆಲ್ಲಾ?
ಸಿನಿಮಾದಲ್ಲಿ ಖ್ಯಾತಿ, ಭಾರತೀಯರ ಪ್ರೀತಿಗಳಿಸಿದರೂ ಈ ಸೆಲೆಬ್ರಿಟಿಗಳು ಮತದಾನ ಹಕ್ಕು ಹೊಂದಿಲ್ಲ
Inheritance Tax: ಸ್ಯಾಮ್ ಪಿತ್ರೋಡಾ ಹೇಳಿದ್ದೇನು-ಏನಿದು ಪಿತ್ರಾರ್ಜಿತ ತೆರಿಗೆ ಜಟಾಪಟಿ!
MUST WATCH
ಹೊಸ ಸೇರ್ಪಡೆ
Spying: ಪಾಕಿಸ್ತಾನ ಪರ ಬೇಹುಗಾರಿಕೆ: ಒಂದು ವರ್ಷದಿಂದ ತಲೆಮರೆಸಿಕೊಂಡಿದ್ದ ವ್ಯಕ್ತಿಯ ಬಂಧನ
T20 ವಿಶ್ವಕಪ್ ಗೆ ಬಲಿಷ್ಠ ತಂಡವನ್ನು ಪ್ರಕಟಿಸಿದ ನ್ಯೂಜಿಲೆಂಡ್; ಮರಳಿದ ಸ್ಫೋಟಕ ಆಟಗಾರ
Tragedy: ಛತ್ತೀಸ್ಗಢದಲ್ಲಿ ಭೀಕರ ಅಪಘಾತ… ಮಕ್ಕಳು ಸೇರಿ 8 ಮಂದಿ ಮೃತ್ಯು, 22 ಮಂದಿಗೆ ಗಾಯ
MP Srinivas Prasad: ಚಾಮರಾಜನಗರ ಸಂಸದ ಶ್ರೀನಿವಾಸ್ ಪ್ರಸಾದ್ ನಿಧನ
Udupi-Chikmagalur ಲೋಕಸಭಾ ಕ್ಷೇತ್ರ: ಯಾರೇ ಗೆದ್ದರೂ ಸಣ್ಣ ಅಂತರದ ಗೆಲುವು ಸಾಧ್ಯತೆ