ಜೀರುಂಡೆ ಬಿಡಿಸುವ ಚಿತ್ರಗಳಿಗೆ ಭಾರಿ ಡಿಮ್ಯಾಂಡ್
Team Udayavani, Jul 11, 2017, 6:15 AM IST
ಸಾಕು ಪ್ರಾಣಿಗಳು ಮಾಡುವ ಚೇಷ್ಟೆ, ತುಂಟಾಟಗಳು ಜಾಲತಾಣಗಳಲ್ಲಿ ನೋಡಿರುತ್ತೀರ. ಅದೇ ಸಾಲಿಗೆ ಜೀರುಂಡೆಯೊಂದು ಸೇರ್ಪಡೆಯಾಗಿದೆ. ಇದು ಅಂತಿಂಥ ಜೀರುಂಡೆಯಲ್ಲ. ಚಿತ್ರ ಕಲಾವಿದ ಜೀರುಂಡೆ.
ಜಪಾನಿನಲ್ಲಿರುವ ಇದರ ಹೆಸರು ಸ್ಪೈಕ್. ಇದರ ಕೊಂಬಿನಲ್ಲಿ ಪೆನ್ನು ಕೊಟ್ಟು ಕ್ಯಾನ್ವಾಸ್ ಬಳಿ ಬಿಟ್ಟರೆ, ಸುಂದರವಾಗಿ ಚಿತ್ರ ಬಿಡಿಸುತ್ತದೆ. ಇದು ಬಿಡಿಸಿರುವ ಚಿತ್ರಗಳನ್ನು ಇದರ ಮಾಲೀಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದರು. ಇದು ಜಾಲತಾಣಿಗರ ಮನಸೂರೆ ಮಾಡಿತ್ತು. ಈಬೇಯಲ್ಲಿ ಜನ ಇದರ ಚಿತ್ರವನ್ನು ಹರಾಜಿನಲ್ಲಿ ಕೊಳ್ಳಲು ಮುಗಿಬೀಳುತ್ತಾರೆ. ಲಕ್ಷಾಂತರ ಹಣ ಕೊಟ್ಟು ಚಿತ್ರಗಳನ್ನು ಕೊಳ್ಳುತ್ತಾರೆ. ಅಂದಹಾಗೆ ಜೀರುಂಡೆಗಳು ಜಪಾನ್ನಲ್ಲಿ ಸಾಕು ಕೀಟಗಳು.