ಕೊರೊನಾ ಆಟ ಬಲ್ಲವರಾರು ಹಾಡು ವೈರಲ್
Team Udayavani, May 24, 2021, 4:34 PM IST
ಕಲಬುರಗಿ: ಕನ್ನಡ ಚಲನಚಿತ್ರ ಚಿತ್ರನಟ ವಿಷ್ಣುವರ್ಧನ ಮತ್ತು ನಟಿ ಜೂಲಿ ಲಕ್ಷಿ¾à ನಟಿಸಿರುವ “ಅವಳ ಹೆಜ್ಜೆಯಲ್ಲಿ’ ಚಿತ್ರದಲ್ಲಿ ಡಾ| ಚಿ. ಉದಯಶಂಕರ ಬರೆದ “ದೇವರ ಆಟ ಬಲ್ಲವರಾರು’ ಹಾಡಿನ ಮಾದರಿಯಲ್ಲಿ “ಕೊರೊನಾ ಆಟ ಬಲ್ಲವರಾರು?’ ಎನ್ನುವ ಹಾಡು ಸಖತ್ ವೈರಲ್ ಆಗುತ್ತಿದೆ.
ಪತ್ರಕರ್ತ, ಸಾಹಿತಿ ಸಂಗಮನಾಥ ರೇವತಗಾಂವ್ ಬರೆದ “ಕೊರೊನಾ ಆಟ ಬಲ್ಲವರಾರು, ಅದರ ಎದಿರು ಬದುಕುವರಾರು?’ ಹಾಡಿಗೆ ಜನ ತಲೆದೂಗಿದ್ದಾರೆ. ಈ ಹಾಡು ಫೇಸ್ ಬುಕ್- ವಾಟ್ಸ್ಆ್ಯಪ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಚಿ. ಉದಯಶಂಕರ ಅವರ ಕ್ಷಮೆ ಕೋರುತ್ತಾ ಎಂಬುದಾಗಿ ಹಾಡಿನ ಶಿರ್ಷಿಕೆಗಿಂತ ಮುಂಚೆ ಬರೆಯಲಾಗಿದೆ.
ಕೊರೊನಾ ಕಾಲಘಟ್ಟದಲ್ಲಿ ಸಾಂಸ್ಕೃತಿಕ ವಾತಾವರಣವೇ ಮರೆಯಾಗುತ್ತಿರುವ ದಿನಗಳಲ್ಲಿ ಸಂಗೀತ- ಸಾಹಿತ್ಯವನ್ನು ಮನೆಯಲ್ಲಿದ್ದುಕೊಂಡೇ ಮಡದಿ- ಮಕ್ಕಳೊಂದಿಗೆ ಇಂತಹದ್ದೊಂದು ಪ್ರಯೋಗಕ್ಕೆ ಮುಂದಾಗಿ ಹಾಡನ್ನು ಚಿತ್ರಿಕರಿಸಿ ಬಿಡಲಾಗಿದೆ ಎನ್ನುತ್ತಾರೆ ರೇವತಗಾಂವ್. ರೇವತಗಾಂವ ಅವರ ಮಕ್ಕಳಾದ ಸೃಜನಾ, ಸಂಪದಾ ಹಾಡಿದ್ದು, ಪತ್ನಿ ರಶ್ಮಿ ಸಾಥ್ ನೀಡಿದ್ದಾರೆ.