ದ್ವಿತೀಯ ಪಂದ್ಯದಲ್ಲೂ ಗೆದ್ದ ವೆಸ್ಟ್ ಇಂಡೀಸ್: ಸರಣಿ ಸೋಲಿನ ಆತಂಕದಲ್ಲಿ ಆಸ್ಟ್ರೇಲಿಯಾ
Team Udayavani, Jul 11, 2021, 12:01 PM IST
ಸೈಂಟ್ ಲೂಸಿಯಾ: ಟಿ20 ಸರಣಿಯ ಎರಡನೇ ಪಂದ್ಯದಲ್ಲೂ ವೆಸ್ಟ್ ಇಂಡೀಸ್ ತಂಡ ಆಸ್ಟ್ರೇಲಿಯಾ ವಿರುದ್ಧ ಸವಾರಿ ಮಾಡಿದೆ. ಯುವ ಆಟಗಾರ ಶಿಮ್ರನ್ ಹೆಟ್ಮೈರ್ ಅವರ ಬ್ಯಾಟಿಂಗ್ ಸಾಹಸದಿಂದ ವಿಂಡೀಸ್ ತಂಡ 56 ರನ್ ಅಂತರದಿಂದ ಗೆಲುವು ಸಾಧಿಸಿದೆ.
ಟಾಸ್ ಗೆದ್ದ ಆಸೀಸ್ ಮೊದಲು ಫೀಲ್ಡಿಂಗ್ ಮಾಡಲು ನಿರ್ಧರಿಸಿತು. ವೆಸ್ಟ್ ಇಂಡೀಸ್ ತಂಡ 20 ಓವರ್ ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 196 ರನ್ ಗಳಿಸಿತು. ಲೆಂಡ್ಲ್ ಸಿಮನ್ಸ್ 30 ರನ್ ಗಳಿಸಿದರೆ, ಫ್ಲೆಚರ್ ಮತ್ತು ಗೇಲ್ ಅಗ್ಗಕ್ಕೆ ಔಟಾದರು. ಆದರೆ ವೇಗವಾಗಿ ಬ್ಯಾಟ್ ಬೀಸಿದ ಹೆಟ್ಮೈರ್ 36 ಎಸೆತದಿಂದ 61 ರನ್ ಗಳಿಸಿದರು. ಅನುಭವಿ ಬ್ರಾವೋ 47 ರನ್ ಗಳಿಸಿದರು. ಕೊನೆಯಲ್ಲಿ ರಸ್ಸೆಲ್ ಕೇವಲ ಎಂಟು ಎಸೆತದಲ್ಲಿ 24 ರನ್ ಚಚ್ಚಿದರು.
ಇದನ್ನೂ ಓದಿ:ಮತ್ತೆ ಸೋತ ಪಾಕಿಸ್ಥಾನ: ಸರಣಿ ಗೆದ್ದ ಬೆನ್ ಸ್ಟೋಕ್ಸ್ ಪಡೆ
ದೊಡ್ಡ ಗುರಿ ಬೆನ್ನತ್ತಿದ ಆಸೀಸ್ 19 ರನ್ ಆಗುವಷ್ಟರಲ್ಲಿ ಎರಡು ವಿಕೆಟ್ ಕಳೆದುಕೊಂಡಿತು. ಮಿಚೆಲ್ ಮಾರ್ಶ್ 54 ರನ್ ಗಳಿಸಿದರೆ, ಹೆನ್ರಿಕ್ಸ್ 19 ರನ್ ಗಳಿಸಿದರು. ಆಸೀಸ್ ಇನ್ನಿಂಗ್ಸ್ ನಲ್ಲಿ ಎಂಟು ಮಂದಿ ಒಂದಂಕಿಗೆ ಔಟಾದರು. 19.2 ಓವರ್ ನಲ್ಲಿ ಆಸೀಸ್ 140 ರನ್ ಗೆ ಆಲ್ ಔಟಾಯಿತು.
ವಿಂಡೀಸ್ ಪರ ಎಂಟು ಮಂದಿ ಬೌಲರ್ ಗಳು ಬೌಲಿಂಗ್ ಮಾಡಿದರು. ಹೇಡನ್ ವಾಲ್ಶ್ ಮೂರು ವಿಕೆಟ್ ಕಿತ್ತರೆ, ಕಾಟ್ರೆಲ್ ಎರಡು ವಿಕೆಟ್ ಪಡೆದರು. ಎಡ್ವರ್ಡ್, ರಸ್ಸೆಲ್, ಬ್ರಾವೋ ಮತ್ತು ಗೇಲ್ ತಲಾ ಒಂದು ವಿಕೆಟ್ ಪಡೆದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Davanagere; ಪರಿಷತ್ ಸದಸ್ಯ ಎನ್. ರವಿಕುಮಾರ್ ಅವರಿಗೆ ಮಾತೃ ವಿಯೋಗ
ಬಿಜೆಪಿ ವರ್ಚಸ್ಸು ಕುಸಿತ; ಸೋಲಿನ ಭೀತಿಯಿಂದ ಮೋದಿ ದ್ವೇಷ ಭಾಷಣ: ಬಿ.ಆರ್.ಪಾಟೀಲ್
UV Fusion: ಬಾಯಾರಿ ಬರುವ ಬಾನಾಡಿಗಳ ರಕ್ಷಿಸೋಣ
ರಂಗ ಸಂಗಾತಿ 16ನೇ ವಾರ್ಷಿಕೋತ್ಸವ; ರಂಗಭಾಸ್ಕರ ಪ್ರಶಸ್ತಿಗೆ ನಟ ನವೀನ್ ಪಡೀಲ್ ಆಯ್ಕೆ
Prajwal case; ಪಾತ್ರ ಯಾರದ್ದು ಮುಖ್ಯವಲ್ಲ; ಅಭಿನಯ ಮಾಡಿದ್ದು ಮುಖ್ಯ; ವೀರಪ್ಪ ಮೊಯ್ಲಿ