ಬಿಗ್ ಬಾಸ್ : ಪ್ರಶಾಂತ್ ಸಂಬರಗಿ- ವೈಷ್ಣವಿ ಗೌಡ ಔಟ್ : ಇರುವ ಮೂವರಲ್ಲಿ ಗೆಲ್ಲೋರ್‍ಯಾರು..?

Team Udayavani, Aug 8, 2021, 10:03 AM IST

ಬೆಂಗಳೂರು : ಬಿಗ್ ​​ಬಾಸ್​ ಸೀಸನ್​​ 8 ಜನರಿಗೆ ಕತೂಹಲಗಳ ಆಗರವೇ ಆಗಿದೆ. ಇಂದು ಶೋಗೆ ತೆರೆ ಬೀಳಲಿದ್ದು, ವಿನ್ನರ್ ಯಾರು ಎಂಬುದು ಅಧಿಕೃತವಾಗಿ ಹೊರ ಬೀಳಲಿದೆ. ಇಲ್ಲಿಯವರೆಗೆ ಇದ್ದು ಟಾಪ್ 5 ಕಂಟೆಸ್ಟೆಂಟ್ ಗಳಲ್ಲಿ ಇದೀಗ ಪ್ರಶಾಂತ್ ಸಂಬರಗಿ ಹಾಗೂ ವೈಷ್ಣವಿ ಗೌಡ ಮನೆಯಿಂದ ಔಟ್ ಆಗಿದ್ದಾರೆ. ಮನೆಯಲ್ಲಿ ಸದ್ಯ  ಅರವಿಂದ್, ಮಂಜು ಪಾವಗಡ ಹಾಗೂ ದಿವ್ಯಾ ಉರುಡುಗ ಟಾಪ್​​ 3 ಸ್ಪರ್ಧಿಗಳಾಗಿ ಗ್ರ್ಯಾಂಡ್​ ಫಿನಾಲೆಗೆ ತಲುಪಿದ್ದಾರೆ.

ಇಷ್ಟು ದಿನ ದೊಡ್ಡಮನೆಯಲ್ಲಿ ಉಳಿದಿದ್ದ ಟಾಪ್ 5 ಸ್ಪರ್ಧಿಗಳಲ್ಲಿ ಪ್ರಶಾಂತ್ ಸಂಬರಗಿ ಮೊದಲು ಮನೆಯಿಂದ ಹೊರ ಬಂದರು. ಒಟ್ಟು 6,69,020 ಮತ ಪಡೆದುಕೊಂಡಿದ್ದಾರೆ. ಇವರಿಗೆ 2.5 ಲಕ್ಷ ರೂಪಾಯಿಗಳ ಬಹುಮಾನ ಲಭ್ಯವಾಗಲಿದೆ. ಆ ಬಳಿಕ 10,21,831 ಮತ ಪಡೆದುಕೊಂಡಿದ್ದ ವೈಷ್ಣವಿ ಅವರು ತಮ್ಮ ಜರ್ನಿ ಅಂತ್ಯಗೊಳಿಸಿದ್ದಾರೆ.

ಎಲಿಮಿನೇಷನ್​ ಸಂದರ್ಭದಲ್ಲಿ ಬಿಗ್ ಮನೆಯಲ್ಲಿದ್ದ ನಾಲ್ಕು ಮಂದಿ ಸದಸ್ಯರು ದಿವ್ಯಾ ಉರುಡುಗ ಎಲಿಮಿನೇಟ್​ ಆಗಬಹುದು ಎಂದು ಹೇಳಿದ್ದರು. ಇಷ್ಟೇ ಅಲ್ಲದೆ ದಿವ್ಯಾ ಕೂಡ ನಾನೇ ಎಲಿಮಿನೇಟ್​ ಆಗಬಹುದು ಎಂದಿದ್ದರು. ಆದರೆ ವೋಟ್​ ​ಗಳು ಪಡೆದ ಆಧಾರದ ಮೇಲೆ ಮನೆಯಿಂದ ವೈಷ್ಣವಿ ಅವರು ಹೊರಗೆ ಬಂದರು.

ಐದನೇ ಸ್ಪರ್ಧಿಯಾಗಿ ಸಂಬರಗಿ ಎಲಿಮಿನೇಟ್ ಆಗುತ್ತಿರುವುದು ಗೊತ್ತಾಗುತ್ತಿದಂತೆ ಅವರು ಭಾವುಕರಾದರು. ಆದರೆ ಸ್ಪರ್ಧೆಯಲ್ಲಿ ಭಾಗಿಯಾಗಲು ಅವಕಾಶ ನೀಡಿದಕ್ಕೆ ಬಿಗ್​ ​ಬಾಸ್​​ಗೆ ಧನ್ಯವಾದ ಹೇಳಿ ಹೊರನಡೆದರು.