ಕೋಲ್ಕತಾ ನೈಟ್ರೈಡರ್ ವಿರುದ್ಧ ಪಂಜಾಬ್ ಕಿಂಗ್ಸ್ ಗೆ 5 ವಿಕೆಟ್ಗಳ ಜಯ
Team Udayavani, Oct 2, 2021, 12:12 AM IST
ದುಬಾೖ: ಪ್ಲೇ-ಆಫ್ ಪ್ರವೇಶದ ಹಿನ್ನೆಲೆಯಲ್ಲಿ ಅತ್ಯಂತ ಮಹತ್ವದ ಶುಕ್ರವಾರದ ಐಪಿಎಲ್ ಪಂದ್ಯದಲ್ಲಿ ಕೋಲ್ಕತಾ ನೈಟ್ರೈಡರ್ ಎದುರು ಪಂಜಾಬ್ ಕಿಂಗ್ಸ್ 5 ವಿಕೆಟ್ಗಳ ಗೆಲುವು ದಾಖಲಿಸಿ ಮುಂದಿನ ಹಂತದ ಹೋರಾಟವೊಂದನ್ನು ಜಾರಿಯಲ್ಲಿರಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್ 7 ವಿಕೆಟಿಗೆ 165 ರನ್ ಪೇರಿಸಿದರೆ. ಪಂಜಾಬ್ ಕಿಂಗ್ಸ್ 19.3 ಓವರ್ಗಳಲ್ಲಿ 5 ವಿಕೆಟ್ನಷ್ಟಕ್ಕೆ 168 ರನ್ ಗಳಿಸಿ ಗೆಲುವಿನ ನಗೆ ಬೀರಿತು.
ಚೇಸಿಂಗ್ ವೇಳೆ ನಾಯಕ ರಾಹುಲ್ (67), ಅಗರ್ವಾಲ್ (40) ರನ್ ಬಾರಿಸಿ ಮಿಂಚಿದರು.
ತ್ರಿಪಾಠಿ-ಅಯ್ಯರ್ ಬಿರುಸಿನ ಬ್ಯಾಟಿಂಗ್
ಶುಭಮನ್ ಗಿಲ್ (7) ಅವರ ವಿಕೆಟ್ ಬೇಗನೇ ಉರುಳಿ ದರೂ ಈ ವರ್ಷದ ಓಪನಿಂಗ್ ಹೀರೊ ವೆಂಕಟೇಶ್ ಅಯ್ಯರ್ ಮತ್ತು ರಾಹುಲ್ ತ್ರಿಪಾಠಿ ಬಿರುಸಿನ ಬ್ಯಾಟಿಂಗಿಗೆ ಮುಂದಾದರು. ಅಯ್ಯರ್ ಪಂದ್ಯದ ಮೊದಲ ಎಸೆತವನ್ನೇ ಬೌಂಡರಿಗೆ ಬಡಿದಟ್ಟಿ ಸಿಡಿಯುವ ಸೂಚನೆ ನೀಡಿದರು. ಫ್ಯಾಬಿಯನ್ ಅಲೆನ್ ಅವರ ಈ ಓವರ್ನಲ್ಲಿ 10 ರನ್ ಬಂತು. ಆದರೆ ದ್ವಿತೀಯ ಓವರ್ನಲ್ಲಿ ಆರ್ಷದೀಪ್ ದೊಡ್ಡ ಬೇಟೆಯಾಡಿ ಗಿಲ್ ಆಟಕ್ಕೆ ತೆರೆ ಎಳೆದರು.
ಅಯ್ಯರ್-ತ್ರಿಪಾಠಿ ಪಂಜಾಬ್ ಬೌಲರ್ಗಳ ಮೇಲೆ ಸವಾರಿ ಮುಂದುವರಿಸಿದರು. ಚೆಂಡು ಸರಾಗವಾಗಿ ಬೌಂಡರಿ ಗೆರೆ ದಾಟತೊಟಗಿತು. ಅರ್ಧ ಹಾದಿ ಕ್ರಮಿಸುವಾಗ ಇವರಿಬ್ಬರು ಸೇರಿಕೊಂಡು ತಂಡದ ಮೊತ್ತವನ್ನು 76ಕ್ಕೆ ಏರಿಸಿದರು. 15ನೇ ಓವರ್ ತನಕ ಕ್ರೀಸ್ ಆಕ್ರಮಿಸಿಕೊಂಡ ಅಯ್ಯರ್ 67 ರನ್ ಬಾರಿಸಿ ಬಿಷ್ಣೋಯಿಗೆ ವಿಕೆಟ್ ಒಪ್ಪಿಸಿದರು. 49 ಎಸೆತಗಳ ಈ ಇನ್ನಿಂಗ್ಸ್ನಲ್ಲಿ 9 ಫೋರ್, ಒಂದು ಸಿಕ್ಸರ್ ಸೇರಿತ್ತು. ಇದಕ್ಕೂ ಮುನ್ನ ತ್ರಿಪಾಠಿ (34) ವಿಕೆಟ್ ಕೂಡ ಬಿಷ್ಣೋಯಿ ಪಾಲಾಗಿತ್ತು.
ಸಂಕ್ಷಿಪ್ತ ಸ್ಕೋರ್: ಕೆಕೆಆರ್- 7 ವಿಕೆಟಿಗೆ 165 (ಅಯ್ಯರ್ 67, ತ್ರಿಪಾಠಿ 34, ರಾಣಾ 31, ಆರ್ಷದೀಪ್ 32ಕ್ಕೆ 3, ಬಿಷ್ಣೋಯಿ 22ಕ್ಕೆ 2, ಶಮಿ 23ಕ್ಕೆ 1). ಪಂಜಾಬ್-19.3 ಓವರ್ಗಳಲ್ಲಿ 5 ವಿಕೆಟಿಗೆ 168 (ರಾಹುಲ್ 67, ಅಗರ್ವಾಲ್ 40, ಚಕ್ರವರ್ತಿ 24ಕ್ಕೆ 2).
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Breach Of Privacy….; ಐಪಿಎಲ್ ಪ್ರಸಾರಕರ ವಿರುದ್ಧ ರೇಗಾಡಿದ ರೋಹಿತ್ ಶರ್ಮಾ
CSKvsRCB; ಹಲವು ದಾಖಲೆಗಳಿಗೆ ಸಾಕ್ಷಿಯಾದ ಬೆಂಗಳೂರು – ಚೆನ್ನೈ ಪಂದ್ಯ
RCBvsCSK; ಧೋನಿಯ 110 ಮೀ ಸಿಕ್ಸ್ ಕಾರಣದಿಂದ ನಾವು ಗೆದ್ದೆವು..: ಕಾರ್ತಿಕ್ ಹೇಳಿದ್ದೇನು
Man of the match ಪ್ರಶಸ್ತಿ ಸಿಗಬೇಕಾಗಿದ್ದು ನನಗಲ್ಲ…: ಫಾಫ್ ಡುಪ್ಲೆಸಿಸ್ ಹೀಗಂದಿದ್ಯಾಕೆ?
IPL ಇಂದು ಲೀಗ್ ಪಂದ್ಯಗಳಿಗೆ ತೆರೆ: KKR vs RR ಟೇಬಲ್ ಟಾಪರ್ಗಳ ಸೆಣಸಾಟ