ಐಎನ್ಎಸ್ ವಿಕ್ರಾಂತ್ ; ಭಾರತಕ್ಕೆ ದೇಶೀಯ ಯುದ್ಧನೌಕೆಯ ಶಕ್ತಿ
ಭಾರತವೂ ಇದುವರೆಗೆ ಬೇರೊಂದು ದೇಶದ ಮೇಲೆ ಅವಲಂಬಿತವಾಗಿತ್ತು.
Team Udayavani
ಈ ಸಮರ ನೌಕೆಯನ್ನು 2009ರಲ್ಲಿ ನಿರ್ಮಾಣ ಮಾಡಲು ಆರಂಭಿಸಲಾಯಿತು. ಕೊಚ್ಚಿನ್ ಶಿಪ್ಯಾರ್ಡ್ ಲಿಮಿಟೆಡ್ ಇದರ ನಿರ್ಮಾಣದ ಜವಾಬ್ದಾರಿ ಹೊತ್ತಿದೆ. ಇದರ ನಿರ್ಮಾಣ ವೆಚ್ಚ 23 ಸಾವಿರ ಕೋಟಿ ರೂ. ಇದನ್ನು ಸಂಪೂರ್ಣವಾಗಿ ವಿನ್ಯಾಸ ಮಾಡಿದ್ದು ಭಾರತೀಯ ನೌಕಾಪಡೆಯ ನೌಕಾ ವಿನ್ಯಾಸ ಮಹಾನಿರ್ದೇಶನಾಲಯ. ಕೊಚ್ಚಿಯ ಅರ್ಧ ಭಾಗ ಬಳಕೆ ಮಾಡುವ ವಿದ್ಯುತ್ ಅನ್ನು ಇದೊಂದೇ ನೌಕೆ ಬಳಕೆ ಮಾಡುತ್ತದೆ ಎಂದು ಅಧಿಕಾರಿಗಳು ಹೇಳುತ್ತಾರೆ. ಇದರಲ್ಲಿರುವ ವಿದ್ಯುತ್ ಕೇಬಲ್ಗಳ ಅಳತೆ 2,600 ಕಿ.ಮೀ. ಎಂದು ಈ ನೌಕೆಯ ವಿನ್ಯಾಸಕ ಮೇಜರ್ ಮನೋಜ್ ಕುಮಾರ್ ಹೇಳಿದ್ದಾರೆ. ಅಲ್ಲದೆ, ಇದಕ್ಕೆ ಬಳಸಲಾಗಿರುವ ಕಬ್ಬಿಣದಿಂದ ಪ್ಯಾರಿಸ್ನಲ್ಲಿರುವ ಐಫೆಲ್ ಟವರ್ನಂಥ ಮೂರನ್ನು ನಿರ್ಮಿಸಬಹುದು ಎಂದು ತಿಳಿಸಿದ್ದಾರೆ....