ದಿವ್ಯಾಂಗ ಮಹಿಳೆಗೆ “ನೋ ಎಂಟ್ರಿ’ ಎಂದ ರೆಸ್ಟೋರೆಂಟ್‌!

Team Udayavani, Feb 13, 2022, 9:30 PM IST

ಗುರುಗ್ರಾಮ: ದಿವ್ಯಾಂಗ ಮಹಿಳೆಗೆ ಎನ್ನುವ ಒಂದೇ ಕಾರಣಕ್ಕೆ ರೆಸ್ಟೋರೆಂಟ್‌ ಒಂದು ಮಹಿಳೆಯೊಬ್ಬರನ್ನು ರೆಸ್ಟೋರೆಂಟ್‌ ಒಳಗೆ ಸೇರಿಸದ ಘಟನೆ ಶುಕ್ರವಾರ ಹರ್ಯಾಣದ ಗುರುಗ್ರಾಮದಲ್ಲಿ ನಡೆದಿದೆ.

ಸೃಷ್ಟಿ ಹೆಸರಿನ ದಿವ್ಯಾಂಗ ಮಹಿಳೆ ಶುಕ್ರವಾರ ತನ್ನ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಗುರುಗ್ರಾಮದಲ್ಲಿರುವ “ರಾಸ್ತಾ’ ರೆಸ್ಟೋರೆಂಟ್‌ಗೆ ತೆರಳಿದ್ದಾರೆ. ಆದರೆ ರೆಸ್ಟೋರೆಂಟ್‌ ಸಿಬ್ಬಂದಿ ಅವರನ್ನು ಒಳಗೆ ಬಿಟ್ಟಿಲ್ಲ.

ರೆಸ್ಟೋರೆಂಟ್‌ ಒಳಗಿರುವ ಗ್ರಾಹಕರಿಗೆ ನಿಮ್ಮಿಂದ ತೊಂದರೆಯಾಗುತ್ತದೆ. ನೀವು ಹೊರಗೇ ಕೂರಬೇಕು ಎಂದು ವೀಲ್‌ಚೇರ್‌ನಲ್ಲಿದ್ದ ಸೃಷ್ಟಿಗೆ ರೆಸ್ಟೋರೆಂಟ್‌ ಸಿಬ್ಬಂದಿ ಹೇಳಿದ್ದಾರೆ.

ಈ ವಿಚಾರವನ್ನು ಸೃಷ್ಟಿ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದು, ಭಾರೀ ಚರ್ಚೆಯಾಗಿದೆ.

ಪೂಜಾ ಭಟ್‌ ಸೇರಿ ಅನೇಕ ಸೆಲೆಬ್ರಿಟಿಗಳೂ ಈ ಬಗ್ಗೆ ಧ್ವನಿ ಎತ್ತಿದ್ದಾರೆ. ಸುದ್ದಿ ಎಲ್ಲೆಡೆ ಹರಿದಾಡುತ್ತಿದ್ದಂತೆ ಎಚ್ಚೆತ್ತುಕೊಂಡಿರುವ ರಾಸ್ತಾ ರೆಸ್ಟೋರೆಂಟ್‌ ಕ್ಷಮೆಯಾಚಿಸಿದೆ.

I went to my @raastagurgaon with my best friend and her fam last night. This was one of my first outings in so long and I wanted to have fun. Bhaiya (my friend’s elder brother) asked for a table for four. The staff at the desk ignored him twice. 1/n

— Srishti (she/her?‍?) (@Srishhhh_tea) February 12, 2022