ರೈಲು ಪ್ರಯಾಣಿಕರಿಗೆ ಬ್ಲ್ಯಾಂಕೆಟ್‌ ಪೂರೈಸಲು ಸೂಚನೆ

Team Udayavani, Mar 10, 2022, 9:45 PM IST

ಹೊಸದಿಲ್ಲಿ: ರೈಲುಗಳಲ್ಲಿ ಪ್ರಯಾಣಿಕರಿಗೆ ನೀಡಲಾಗುತ್ತಿದ್ದ ಲಿನೆನ್‌, ಬ್ಲ್ಯಾಂಕೆಟ್‌ಗಳ ಮೇಲೆ ಕೋವಿಡ್‌ ಕಾರಣದಿಂದ ವಿಧಿಸಲಾಗಿದ್ದ ನಿರ್ಬಂಧವನ್ನು ತತ್‌ಕ್ಷಣದಿಂದ ಜಾರಿಗೆ ಬರುವಂತೆ ಹಿಂಪಡೆಯಲಾಗಿದೆ ಎಂದು ರೈಲ್ವೇ ಇಲಾಖೆ ತಿಳಿಸಿದೆ.

ಪ್ರಸ್ತುತ ಕೊರೊನಾ ಪ್ರಕರಣಗಳು ಗಣನೀಯವಾಗಿ ಇಳಿಕೆಯಾಗಿದ್ದು, ಸರಕಾರ ಹೊಸ ಮಾರ್ಗಸೂಚಿಗಳನ್ನು ಪ್ರಕಟಿಸಿದೆ. ಈ ಹಿನ್ನೆಲೆಯಲ್ಲಿ ರೈಲುಗಳಲ್ಲಿ ಪ್ರಯಾಣಿಕರಿಗೆ ಹೊದಿಕೆಗಳನ್ನು ನೀಡಲು ತತ್‌ಕ್ಷಣ ಕ್ರಮ ಕೈಗೊಳ್ಳುವಂತೆ ತನ್ನ ಎಲ್ಲ ವಲಯಗಳ ಮಹಾ ಪ್ರಬಂಧಕರಿಗೆ ರೈಲ್ವೇ ಬೋರ್ಡ್‌ ಸೂಚನೆ ನೀಡಿದೆ.

ಇದನ್ನೂ ಓದಿ:ಮಾರ್ಚ್ 10 ರಿಂದ ಹೋಳಿ ಎಂದು ಮೊದಲೇ ಹೇಳಿದ್ದೆವು: ಪ್ರಧಾನಿ ಮೋದಿ

ಜತೆಗೆ ರೈಲುಗಳಲ್ಲಿ ಪರದೆಗಳನ್ನೂ ಅಳವಡಿಸಲು ಸೂಚಿಸಲಾಗಿದೆ. ಎರಡು ವರ್ಷಗಳಿಂದ ಕೊರೊನಾ ಕಾರಣದಿಂದ ಇವೆಲ್ಲವೂ ರದ್ದಾಗಿದ್ದವು.