ಆಗಿನ ನಿರ್ಮಾಪಕರು ನನ್ನಿಂದ ಬಯಸುತ್ತಿದ್ದದ್ದು ಅದನ್ನು ಮಾತ್ರ: ಕರಾಳ ಅನುಭವ ಬಿಚ್ಚಿಟ್ಟ ನಟಿ

Team Udayavani, Sep 17, 2022, 12:36 PM IST

ಮುಂಬಯಿ: ಬಣ್ಣದ ಲೋಕದಲ್ಲಿ ಗಟ್ಟಿಯಾಗಿ ನಿಲ್ಲಲು ಹಲವಾರು ಸವಾಲುಗಳನ್ನು ಮೆಟ್ಟಿ ನಿಲ್ಲಬೇಕು. ಬಾಲಿವುಡ್‌ ನಲ್ಲಿ ಕಾಸ್ಟಿಂಗ್‌ ಕೌಚ್‌ ಪಿಡುಗಿನ ಬಗ್ಗೆ ನಟಿ ಶಮಾ ಸಿಕಂದರ್ ಮಾತಾನಾಡಿದ್ದಾರೆ.

ಕಿರುತೆರೆ ಹಾಗೂ ಸಿನಿಮಾಗಳಲ್ಲಿ ನಟಿಸಿರುವ ಶಮಾ ಸಿಕಂದರ್ ತಮ್ಮ ಬೋಲ್ಡ್‌ ಲುಕ್ಸ್‌ ಗಳಿಂದಲೇ ಖ್ಯಾತಿ. ತಮ್ಮ ವೃತ್ತಿ ಬದುಕಿನಲ್ಲಿ ತಾವು ಎದುರಿಸಿದ ಕರಾಳ ದಿನದ ಬಗ್ಗೆ ಸಂದರ್ಶನವೊಂದರಲ್ಲಿ ಅವರು ಮಾತಾನಾಡಿದ್ದಾರೆ.

ʼಯೇ ಮೇರಿ ಲೈಫ್ ಹೈʼ ಖ್ಯಾತಿಯ ನಟಿ ಶಮಾ ಸಿಕಂದರ್ “ ಮೊದಲು ಕೆಲ ದೊಡ್ಡ ನಿರ್ಮಾಪಕರು, ನನ್ನ ಬಳಿ ನಾನು ಅವರ ಸ್ನೇಹಿತೆ ಆಗಿರಲು ಹೇಳುತ್ತಿದ್ದರು. ಯಾವ ಚಿತ್ರವನ್ನು ಅವರೊಂದಿಗೆ ಮಾಡದೇ ನಾನು ಹೇಗೆ ಸ್ನೇಹಿತೆ ಆಗಲು ಸಾಧ್ಯ? ಅವರು ನನ್ನ ಬಳಿ ಲೈಂಗಿಕ ಬಯಕೆಯನ್ನು ವ್ಯಕ್ತಪಡಿಸುತ್ತಿದ್ದರು. ಇದು ಸರಿಯಲ್ಲ. ನೀವು ಮಹಿಳೆಯನ್ನು ಆತ್ಮವಿಶ್ವಾಸದಿಂದ ಗೆಲ್ಲಲು ಆಗುವುದಿಲ್ಲ ಎನ್ನುವುದನ್ನು ಇದು ತೋರಿಸುತ್ತದೆ. ಇಂಥ ಬಯಕೆ ಅವರ ತೀರ ಕೆಳಸ್ತರದ ವ್ಯಕ್ತಿತ್ವವನ್ನು ತೋರಿಸುತ್ತದೆ. ಇಂದು ಕಾಸ್ಟಿಂಗ್‌ ಕೌಚ್‌ ಬಾಲಿವುಡ್‌ ಗೆ ಮಾತ್ರ ಸೀಮಿತವಾಗಿಲ್ಲ ಎಲ್ಲಾ ಇಂಡಸ್ಟ್ರಿಯಲ್ಲೂ ಇದೆ ಎಂದು ಅವರು ಹೇಳಿದ್ದಾರೆ.

ಬಾಲಿವುಡ್‌ ಈಗ ತುಂಬಾ ಬದಲಾಗಿದೆ. ಈಗಿನ ಯುವ ನಿರ್ಮಾಪಕರಿಗೆ ಮೊದಲಿನಂತೆ ಯಾವುದೇ ಕಲ್ಪನೆ ಇರುವುದಿಲ್ಲ. ನಟಿಯರನ್ನು ಈಗಿನ ನಿರ್ಮಾಪಕರು ಗೌರವಯುತವಾಗಿ ನೋಡುತ್ತಾರೆ ಎಂದು ಅವರು ಹೇಳಿದ್ದಾರೆ.