ಬಸ್‌ಗಳ ಢಿಕ್ಕಿ: ಚಾಲಕ ಸಹಿತ 8 ಮಂದಿಗೆ ಗಾಯ

Team Udayavani, May 5, 2023, 6:20 AM IST

ಕುಂದಾಪುರ: ಕೆಎಸ್‌ಆರ್‌ಟಿಸಿ ಬಸ್ಸಿಗೆ ಖಾಸಗಿ ಬಸ್‌ ಹಿಂದಿನಿಂದ ಢಿಕ್ಕಿಯಾಗಿ ಖಾಸಗಿ ಬಸ್ಸಿನಲ್ಲಿದ್ದ 7 ಮಂದಿ ಪ್ರಯಾಣಿಕರು ಗಾಯಗೊಂಡ ಘಟನೆ ಬುಧವಾರ ತಲ್ಲೂರಿನ ರಾಷ್ಟ್ರೀಯ ಹೆದ್ದಾರಿ 66ರಲ್ಲಿ ಸಂಭವಿಸಿದೆ.

ಖಾಸಗಿ ಬಸ್‌ ಕುಂದಾಪುರದಿಂದ ಹೆಮ್ಮಾಡಿ ಕಡೆಗೆ ತೆರಳುತ್ತಿತ್ತು. ಖಾಸಗಿ ಬಸ್‌ ಚಾಲಕ ಮನೋಹರ್‌ ಅವರು ಬಸ್ಸನ್ನು ಅತೀವೇಗ ಹಾಗೂ ನಿರ್ಲಕ್ಷéತನದಿಂದ ಚಲಾಯಿಸಿಕೊಂಡು ಬಂದಿದ್ದು, ತಲ್ಲೂರು ಬಳಿ ಇಂಡಿಕೇಟರ್‌ ಹಾಕಿ ತಿರುಗಿಸುತ್ತಿದ್ದ ಕೆಎಸ್‌ಆರ್‌ಟಿಸಿ ಬಸ್‌ನ ಎಡಬದಿಯ ಹಿಂಭಾಗಕ್ಕೆ ಢಿಕ್ಕಿ ಹೊಡೆದಿದೆ.

ಗಾಯಗೊಂಡ ರಶ್ಮಿತಾ, ದಿವ್ಯಾ ಹಾಗೂ ಚೈತ್ರಾ ಅವರನ್ನು ಕುಂದಾಪುರದ ಖಾಸಗಿ ಆಸ್ಪತ್ರೆಗೆ, ಖಾಸಗಿ ಬಸ್‌ ಚಾಲಕ ಮನೋಹರ್‌, ಪ್ರಯಾಣಿಕರಾದ ಚಂದ್ರಾವತಿ, ಜ್ಯೋತಿ, ರಕ್ಷಿತಾ ಹಾಗೂ ರಾಧಾಕೃಷ್ಣ ಅವರನ್ನು ಕುಂದಾಪುರ ಸರಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಕುಂದಾಪುರ ಸಂಚಾರ ಠಾಣೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದು, ಪ್ರಕರಣ ದಾಖಲಾಗಿದೆ.