ಪಾಕ್ಗೆ ಪರೋಕ್ಷ ಎಚ್ಚರಿಕೆ ರವಾನಿಸಿದ ಟ್ರಂಪ್
Team Udayavani, Jun 11, 2017, 10:31 AM IST
ವಾಷಿಂಗ್ಟನ್/ದುಬೈ: ಅರಬ್ ರಾಷ್ಟ್ರಗಳು ಮತ್ತು ಕತಾರ್ ನಡುವೆ ರಾಜತಾಂತ್ರಿಕ ಬಿಕ್ಕಟ್ಟಿನ ನಡುವೆಯೇ ಭಯೋತ್ಪಾದನೆಗೆ ಕುಮ್ಮಕ್ಕು ನೀಡುತ್ತಿರುವ ಕತಾರ್ಗೆ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ನೇರವಾಗಿ ಎಚ್ಚರಿಕೆ ಸಂದೇಶ ರವಾನಿಸಿದರೆ, ಪಾಕ್ಗೆ ಪರೋಕ್ಷವಾಗಿ ಎಚ್ಚರಿಸಿದ್ದಾರೆ.
“ನೀವು(ಕತಾರ್) ಮೊದಲು ಉಗ್ರರಿಗೆ ಹಣಕಾಸು ನೆರವು ನೀಡುವುದನ್ನು, ದ್ವೇಷ ಹರಡುವುದನ್ನು ಮತ್ತು ಹತ್ಯೆಗೈ ಯ್ಯುವುದನ್ನು ನಿಲ್ಲಿಸಿ’ ಎಂದು ಹೇಳಿದ್ದಾರೆ. ಉಗ್ರರಿಗೆ ಭಾರೀ ಪ್ರಮಾಣದಲ್ಲಿ ಹಣ ಒದಗಿಸುತ್ತಿದ್ದ ಕತಾರ್ ಅನ್ನು ಎಲ್ಲರೂ ದೂರವಿಡುವಂತಾಗಿದೆ. ಈ ರೀತಿ ಉಗ್ರರಿಗೆ ನೆರವಾಗುತ್ತಿರುವ ಇನ್ನಿತರ ದೇಶಗಳೂ ಇದರಿಂದ ಪಾಠ ಕಲಿಯಲಿ ಎಂದೂ ಹೇಳುವ ಮೂಲಕ ಟ್ರಂಪ್ ಅವರು ಪಾಕಿಸ್ಥಾನಕ್ಕೂ ಪರೋಕ್ಷ ಸಂದೇಶ ರವಾನಿಸಿದ್ದಾರೆ.