ಧೋನಿಯನ್ನು ಮಿಂಚಿಗೆ ಹೋಲಿಸಿದ ಸಚಿನ್ ತೆಂಡುಲ್ಕರ್
Team Udayavani, Sep 5, 2017, 6:30 AM IST
ನವದೆಹಲಿ: ಲಂಕಾ ವಿರುದ್ಧ ನಡೆದ 5ನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡದ ವಿಕೆಟ್ ಕೀಪರ್ ಎಂ.ಎಸ್.ಧೋನಿ 100ನೇ ಸ್ಟಂಪ್ ಮಾಡಿ ದಾಖಲೆ ನಿರ್ಮಿಸಿದ್ದಾರೆ. ಏಕದಿನದಲ್ಲಿ ಗರಿಷ್ಠ ಸ್ಟಂಪ್ ಮಾಡಿದ ದಾಖಲೆ ಇದಾಗಿದೆ. ಧೋನಿಯ ಈ ಸಾಧನೆಗೆ ಕ್ರಿಕೆಟ್ ದಂತಕಥೆ ಸಚಿನ್ ತೆಂಡುಲ್ಕರ್ ಟ್ವೀಟರ್ನಲ್ಲಿ ಅದ್ಭುತ ಸಂದೇಶ ನೀಡಿದ್ದಾರೆ.
“ಮಿಂಚು 2ನೇ ಬಾರಿ ಮಿಂಚುವುದಿಲ್ಲವೆಂದು ಯಾರು ಹೇಳಿದ್ದು? ಅದು ನೂರನೇ ಬಾರಿ ಮಿಂಚುವುದನ್ನು ನಾನು ನೋಡಿದ್ದೇನೆ. ಮತ್ತೆ ಮಿಂಚುಗಳು ಬರುತ್ತಲೇ ಇರಲಿ’ ಎಂದು ಸಚಿನ್ ಟ್ವೀಟ್ ಮಾಡಿದ್ದಾರೆ. ಭಾನುವಾರ ನಡೆದ ಪಂದ್ಯದಲ್ಲಿ ಸ್ಪಿನ್ನರ್ ಯಜುವೇಂದ್ರ ಚಹಲ್ ಎಸೆತದಲ್ಲಿ ಧೋನಿ ಅಖೀಲ ಧನಂಜಯ ಅವರನ್ನು ಸ್ಟಂಪ್ ಮಾಡಿ ಈ ಸಾಧನೆ ಮಾಡಿದ್ದಾರೆ. ಶ್ರೀಲಂಕಾದ ಕುಮಾರ ಸಂಗಕ್ಕಾರ 99 ಸ್ಟಂಪ್ ಮಾಡಿ 2ನೇ ಸ್ಥಾನದಲ್ಲಿದ್ದಾರೆ.