ಜಿಎಸ್‌ಟಿ ಉತ್ತಮ ಕಲ್ಪನೆ, ಆದರೆ ಮೋದಿ ಹಾಳು ಮಾಡಿದರು!

Team Udayavani, Oct 31, 2017, 6:35 AM IST

ಹೊಸದಿಲ್ಲಿ:  ಜಿಎಸ್‌ಟಿ ಉತ್ತಮ ಯೋಜನೆ. ಆದರೆ ಇದನ್ನು ನರೇಂದ್ರ ಮೋದಿ ಸರಕಾರ ಹಾಳು ಮಾಡಿದೆ ಎಂದು ಕಾಂಗ್ರೆಸ್‌ ಉಪಾಧ್ಯಕ್ಷ ರಾಹುಲ್‌ ಗಾಂಧಿ ಆರೋಪಿಸಿದ್ದಾರೆ. 

ಸೋಮವಾರ ಕಾಂಗ್ರೆಸ್‌ ಮುಖಂಡರ ಜತೆ ಸಭೆ ನಡೆಸಿದ ನಂತರ ರಾಹುಲ್‌, ಮೋದಿ ಸರಕಾರದ ವಿರುದ್ಧ ವಾಗ್ಧಾಳಿ ನಡೆಸಿದರು. ನೋಟು ಅಮಾನ್ಯ ಮತ್ತು ಜಿಎಸ್‌ಟಿ ಎಂಬ 2 ಕ್ಷಿಪಣಿಗಳ ಮೂಲಕ ದೇಶವನ್ನು ಪ್ರಧಾನಿ ಮೋದಿ ಘಾಸಿಗೊಳಿಸಿದ್ದಾರೆ. ನ.8 ರಂದು ನೋಟು ಅಮಾನ್ಯದ ವರ್ಷಾಚರಣೆಯನ್ನು ಸರಕಾರ ಆಚರಿಸುತ್ತಿದೆಯಂತೆ. ಆದರೆ ಅದರಲ್ಲಿ ಆಚರಣೆ ಮಾಡುವಂಥದ್ದೇನಿದೆ ಎಂದು ಅರ್ಥವಾಗುತ್ತಿಲ್ಲ. 

ಈಗ ಆರ್ಥಿಕತೆ ಐಸಿಯುನಲ್ಲಿದೆ ಎಂದಿದ್ದಾರೆ.ಇದಕ್ಕೆ ಪ್ರತಿಕ್ರಿಯಿಸಿರುವ ಸಚಿವ ಗಿರಿರಾಜ್‌ ಸಿಂಗ್‌, ರಾಹುಲ್‌ ಐಸಿಯುನಲ್ಲಿ ಇರುವವರಂತೆ ಯೋಚಿಸುತ್ತಿದ್ದಾರೆ. ನೋಟು ಬ್ಯಾನ್‌ ಅನ್ನು ಉತ್ತರ ಪ್ರದೇಶದ ಜನ ಚುನಾವಣೆಯಲ್ಲಿ ಅನುಮೋದಿಸಿ ದ್ದಾರೆ. ಇದು ರಾಹುಲ್‌ಗೆ ಕಾಣಿಸುತ್ತಿಲ್ಲ ಎಂದಿದ್ದಾರೆ.