ಮಸೂದ್ಗೆ ಚೀನ ಬೆಂಬಲ: ಭಾರತ ಕಿಡಿ
Team Udayavani, Dec 22, 2017, 8:53 AM IST
ವಿಶ್ವಸಂಸ್ಥೆ: ಜೈಶ್-ಎ-ಮೊಹಮ್ಮದ್ ಉಗ್ರ ಸಂಘಟನೆಯ ನಾಯಕ ಮಸೂದ್ ಅಜರ್ನನ್ನು ಜಾಗತಿಕ ಉಗ್ರನೆಂದು ಘೋಷಿಸುವಂತೆ ಭಾರತ ನಡೆಸುತ್ತಿರುವ ಪ್ರಯತ್ನಗಳಿಗೆ ಚೀನ ಸತತವಾಗಿ ಅಡ್ಡಗಾಲು ಹಾಕುತ್ತಿರುವುದನ್ನು ಭಾರತ ಉಗ್ರವಾಗಿ ಖಂಡಿಸಿದೆ.
ಗುರುವಾರ ಚೀನ ವಿರುದ್ಧ ಪರೋಕ್ಷ ವಾಗ್ಧಾಳಿ ನಡೆಸಿದ ವಿಶ್ವಸಂಸ್ಥೆಯಲ್ಲಿನ ಭಾರತದ ಶಾಶ್ವತ ರಾಯಭಾರಿ ಸಯ್ಯದ್ ಅಕºರುದ್ದೀನ್, ಗಡಿ ಪ್ರದೇಶಗಳಲ್ಲಿ ಉಗ್ರ ಸಂಘಟನೆಗಳು ದ್ವೇಷವನ್ನು ಪ್ರಚೋದಿಸುವ ಸಿದ್ಧಾಂತಗಳನ್ನು ಹರಡುತ್ತಿವೆ. ಜನರಿಂದ ಚಂದಾ ಎತ್ತಿ, ಆ ಹಣವನ್ನು ಶಸ್ತ್ರಾಸ್ತ್ರ ಕೊಳ್ಳಲು, ಹೊಸ ಉಗ್ರರನ್ನು ನೇಮಿಸಿಕೊಳ್ಳಲು ಬಳಸುತ್ತಿವೆ. ಪರಿಸ್ಥಿತಿ ಹೀಗಿದ್ದರೂ ದಕ್ಷಿಣ ಏಷ್ಯಾ ಕೆಲ ಸದಸ್ಯ ರಾಷ್ಟ್ರಗಳು ಭಯೋತ್ಪಾದನೆಯನ್ನು ತಮ್ಮೆಲ್ಲರಿಗೂ ಸಂಬಂಧಿಸಿದ ಅಪಾಯ ಎಂದು ಪರಿಗಣಿಸಿಯೇ ಇಲ್ಲ ಎಂದು ಚೀನದ ಹೆಸರನ್ನೇಳದೆ ಟೀಕಾ ಪ್ರಹಾರ ನಡೆಸಿದ್ದಾರೆ. ಅಕºರುದ್ದೀನ್ ಅವರ ಈ ಟೀಕೆಗೆ ಉತ್ತರಿಸಿರುವ ಚೀನ, ಮಸೂದ್ನನ್ನು ಜಾಗತಿಕ ಉಗ್ರನೆಂದು ಘೋಷಿಸುವುದಕ್ಕೆ ಅಡ್ಡಿಯಾದ ತನ್ನ ನಡೆ ಅಂತಾರಾಷ್ಟ್ರೀಯ ನಿಯಮಗಳಿಗೆ ತಕ್ಕಂತೆ ಔಚಿತ್ಯವಾಗಿದೆ ಎಂದು ಹೇಳಿದೆ.