ಮುಂಬಯಿ ರಾಸಾಯನಿಕ ಕಾರ್ಖಾನೆಯಲ್ಲಿ ಬೆಂಕಿ; ಜೀವಹಾನಿ ಇಲ್ಲ
Team Udayavani, Feb 23, 2018, 11:46 AM IST
ಮುಂಬಯಿ : ಮುಂಬಯಿ ಹೊರವಲಯದ ಜೋಗೇಶ್ವರಿಯಲ್ಲಿನ ರಾಸಾಯನಿಕ ಕಾರ್ಖಾನೆಯೊಂದರ ಆವರಣದಲ್ಲಿ ಗುರುವಾರ ತಡರಾತ್ರಿ ಭಾರೀ ದೊಡ್ಡ ಬೆಂಕಿ ಅನಾಹುತ ಸಂಭವಿಸಿತಾದರೂ ಯಾವುದೇ ಜೀವ ಹಾನಿ ಸಂಭವಿಸಿಲ್ಲ ಎಂದು ವರದಿಯಾಗಿದೆ.
ರಾತ್ರಿ ಸುಮಾರು 9.20ರ ಹೊತ್ತಿಗೆ ಕಾರ್ಖಾನೆಯಲ್ಲಿ ಬೆಂಕಿ ಕಾಣಿಸಿಕೊಂಡಿತು; ಅನಂತರ ಅದು ದೊಡ್ಡದಾಯಿತು ಎಂದು ಬಿಎಂಸಿ ಪ್ರಕೋಪ ನಿಯಂತ್ರಣ ಕೊಠಡಿಯ ಅಧಿಕಾರಿ ತಿಳಿಸಿದ್ದಾರೆ.
ಬೆಂಕಿಯನ್ನು ನಂದಿಸಲು ತತ್ಕ್ಷಣವೇ ನಾಲ್ಕು ಅಗ್ನಿಶಾಮಕಗಳನ್ನು ಕಾರ್ಯಾಚರಣೆಗೆ ಇಳಿಸಲಾಯಿತು. ಬೆಂಕಿ ಅನಾಹುತಕ್ಕೆ ಕಾರಣವೇನು ಎಂಬುದು ಈಗಿನ್ನೂ ಗೊತ್ತಾಗಿಲ್ಲ. ಕಳೆದ ಎರಡು ತಿಂಗಳ ಬಳಿಕ ಘಟಿಸಿರುವ ಮೊದಲ ಭೀಕರ ಅಗ್ನಿ ಅನಾಹುತ ಇದಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.