ಬ್ಲಾಕ್‌ಬೆರ್ರಿಸ್‌ ಕ್ಯಾಷುವಲ್‌ನಿಂದ ಇಂಡಿಯಾ ಖಾಕಿ ಸಪ್ತಾಹ

Team Udayavani, May 8, 2018, 12:31 PM IST

ನವದೆಹಲಿ: ಪ್ರಸಿದ್ಧ ರೆಡಿಮೇಡ್‌ ಉಡುಪು ತಯಾರಕ ಬ್ಲಾಕ್‌ಬೆರ್ರಿಸ್‌ ಕ್ಯಾಷುವಲ್ಸ್‌, ಬಾಲಿವುಡ್‌ ನಟ ಪುಲಕಿತ್‌ ಸಾಮ್ರಾಟ್‌ ಜತೆಗೂಡಿ ದೇಶಾದ್ಯಂತ “ಇಂಡಿಯಾ ಖಾಕಿ ಸಪ್ತಾಹ’ ಆಚರಿಸುತ್ತಿದೆ. ದೆಹಲಿಯ ಕನ್ಹಾಟ್‌ಪ್ಲೇಸ್‌ ಮಳಿಗೆಯಲ್ಲಿ ಸಪ್ತಾಹಕ್ಕೆ ಚಾಲನೆ ನೀಡಿದ ಪುಲಕಿತ್‌ ಸಾಮ್ರಾಟ್‌, ನೆರೆದಿದ್ದ ಪ್ರೇಕ್ಷಕರಿಗೆ ಫ್ಯಾಷನ್‌ ಬಗ್ಗೆ ಸಲಹೆ ನೀಡಿದರು.

ಫ್ಯಾಷನ್‌ಲೋಕದಿಂದ ಸಿನಿಮಾ ಪ್ರಪಂಚಕ್ಕೆ ಅವರು ಪ್ರವೇಶ ಪಡೆದ ರೀತಿ ಸೇರಿ ಹಲವು ಸಂಗತಿಗಳನ್ನು ಹಂಚಿಕೊಂಡರು. ನಮ್ಮ ದೇಶದಲ್ಲಿ ಖಾಕಿಗೆ ಒಂದು ವಿಶಿಷ್ಟ ಸ್ಥಾನ ನೀಡಲಾಗಿದೆ. ವೃತ್ತಿಪರರಿಗೆ ಖಾಕಿ ಅಗತ್ಯ ವಸ್ತ್ರಗಳಾಗಿವೆ. ಬ್ಲಾಕ್‌ಬೆರ್ರಿಸ್‌ನಲ್ಲಿ ಅದ್ಭುತ ಕಲೆಕ್ಷನ್‌ ಇರುವುದಲ್ಲದೆ, ಇವುಗಳು ದೀರ್ಘ‌ ಬಾಳಿಕೆಯ ಉಡುಪುಗಳಾಗಿವೆ ಎಂದರು.

ಈ ಸಂದರ್ಭದಲ್ಲಿ ಸಂಸ್ಥೆಯ ಬ್ರ್ಯಾಂಡ್‌ ಎಕ್ಸ್‌ಪಿರೀಯನ್ಸ್‌ ವಿಭಾಗದ ಉಪಾಧ್ಯಕ್ಷ ರಮೇಶ್‌ ಕೌಶಿಕ್‌ ಮಾತನಾಡಿ, ಬ್ಲಾಕ್‌ಬೆರ್ರಿಸ್‌ ಇಂಡಿಯಾ ಖಾಕಿ ಸಪ್ತಾಹದ ಪ್ರಥಮ ಆವೃತ್ತಿಯನ್ನು ಸ್ಮಾರ್ಟ್‌ ಕ್ಯಾಷುವಲ್‌ ವಸ್ತ್ರಗಳೊಂದಿಗೆ ಆಚರಿಸುತ್ತಿದೆ. ಈ ಫ್ಯಾಷನ್‌ ಉಡುಪುಗಳು ವಿಶ್ವಾಸಾರ್ಹವಾಗಿದ್ದು, ಪುರುಷರಿಗೆ ಇಷ್ಟವಾಗುತ್ತವೆ. ಎಲ್ಲ ಸಂದರ್ಭ (ಕಾಲಗಳಲ್ಲೂ)ಗಳಲ್ಲೂ ಆಕರ್ಷಕ ಹಾಗೂ ಆರಾಮದ ಅನುಭೂತಿ ನೀಡುವ ವಸ್ತ್ರಗಳು ಇವಾಗಿವೆ ಎಂದು ತಿಳಿಸಿದ್ದಾರೆ.

ಬ್ಲಾಕ್‌ಬೆರ್ರಿ ಒಳ ಉಡುಪುಗಳು, ಶೂ ಹಾಗೂ ಪುರುಷರ ಇತರ ವಸ್ತುಗಳನ್ನು ಪರಿಚಯಿಸುತ್ತಿದೆ. ಪ್ರಸ್ತುತ ದೇಶ 350 ನಗರಗಳಲ್ಲಿ 230 ಬ್ರ್ಯಾಂಡ್‌ ಔಟ್‌ಲೆಟ್‌ಗಳನ್ನು ಹಾಗೂ 800ಕ್ಕೂ ಅಧಿಕ ಮಲ್ಟಿ ಬ್ರ್ಯಾಂಡ್‌ ಔಟ್‌ಲೆಟ್‌ಗಳನ್ನು ಹೊಂದಿದೆ.