ದುಲೀಪ್‌ ಟ್ರೋಫಿ ಕ್ರಿಕೆಟ್‌ ತಂಡ ಪ್ರಕಟ

Team Udayavani, Jul 24, 2018, 12:25 PM IST

ಹೊಸದಿಲ್ಲಿ: ಪ್ರಸಕ್ತ ಋತುವಿನ ದುಲೀಪ್‌ ಟ್ರೋಫಿ ಏಕದಿನ ಪಂದ್ಯಾವಳಿಗಾಗಿ 3 ತಂಡಗಳನ್ನು ಅಂತಿಮಗೊಳಿಸಲಾಗಿದೆ. 
ಇಂಡಿಯಾ ಬ್ಲೂ, ಇಂಡಿಯಾ ರೆಡ್‌, ಇಂಡಿಯಾ ಗ್ರೀನ್‌ ತಂಡಗಳನ್ನು ಕ್ರಮವಾಗಿ ಫ‌ಯಾಜ್‌ ಫ‌ಜಲ್‌, ಅಭಿನವ್‌ ಮುಕುಂದ್‌ ಮತ್ತು ಪಾರ್ಥಿವ್‌ ಪಟೇಲ್‌ ಮುನ್ನಡೆಸಲಿದ್ದಾರೆ.

ಪಿಂಕ್‌ ಬಾಲ್‌
ಇದು 2018-19ನೇ ದೇಶಿ ಕ್ರಿಕೆಟ್‌ ಋತುವಿನ ಆರಂಭಿಕ ಪಂದ್ಯಾವಳಿಯಾಗಿದ್ದು, ಆ. 17ರಿಂದ ಸೆ. 8ರ ತನಕ ದಿಂಡಿಗಲ್‌ನ “ಎನ್‌ಪಿಆರ್‌ ಕಾಲೇಜ್‌ ಗ್ರೌಂಡ್‌’ನಲ್ಲಿ ಹಗಲು-ರಾತ್ರಿಯಾಗಿ ನಡೆಯಲಿದೆ. ಈ ಪಿಂಕ್‌ ಬಾಲ್‌ ಪಂದ್ಯಗಳು ಮಧ್ಯಾಹ್ನ 1.30ಕ್ಕೆ ಆರಂಭವಾಗಲಿವೆ.

ಭಾರತ “ಎ’: ಅಯ್ಯರ್‌ ನಾಯಕ
ದಕ್ಷಿಣ ಆಫ್ರಿಕಾ “ಎ’ ವಿರುದ್ಧ ನಡೆಯುವ ಚತುರ್ದಿನ ಪಂದ್ಯಗಳಿಗಾಗಿ ಭಾರತ “ಎ’ ತಂಡವನ್ನು ಪ್ರಕಟಿಸಲಾಗಿದ್ದು, ಮುಂಬಯಿ ಬ್ಯಾಟ್ಸ್‌ಮೆನ್‌ ಶ್ರೇಯಸ್‌ ಅಯ್ಯರ್‌ ಅವರನ್ನು ನಾಯಕರನ್ನಾಗಿ ನೇಮಿಸಲಾಗಿದೆ.ಆಸ್ಟ್ರೇಲಿಯ “ಎ’ ಮತ್ತು ದಕ್ಷಿಣ ಆಫ್ರಿಕಾ “ಬಿ’ ತಂಡಗಳೆದುರು ಆಡಲಾಗುವ ಚತುಷ್ಕೋನ ಸರಣಿಗಾಗಿ ಭಾರತ “ಎ’ ಹಾಗೂ ಭಾರತ “ಬಿ’ ತಂಡಗಳನ್ನೂ ಆರಿಸಲಾಗಿದೆ. ಕ್ರಮವಾಗಿ ಶ್ರೇಯಸ್‌ ಅಯ್ಯರ್‌ ಮತ್ತು ಮನೀಷ್‌ ಪಾಂಡೆ ಈ ತಂಡಗಳನ್ನು ಮುನ್ನಡೆಸಲಿದ್ದಾರೆ.