ನೂಜಿಬಾಳ್ತಿಲ: ಕಾಡಾನೆ ದಾಳಿ, ಕೃಷಿ ನಾಶ
Team Udayavani, Aug 4, 2018, 12:32 PM IST
ಕಡಬ: ನೂಜಿಬಾಳ್ತಿಲ ಗ್ರಾಮದ ಅಡೆಂಜ ಅಂಗನವಾಡಿ ಕೇಂದ್ರದ ವಠಾರಕ್ಕೆ ಗುರುವಾರ ತಡರಾತ್ರಿ ಲಗ್ಗೆಯಿಟ್ಟ ಕಾಡಾನೆ ಬಾಳೆ ಹಾಗೂ ತೆಂಗಿನ ಗಿಡಗಳಿಗೆ ಹಾನಿ ಎಸಗಿದೆ.
ಅಡೆಂಜ ಆಸುಪಾಸು ಓಡಾಡಿದ ಅನೆ ದಾರಿಯುದ್ದಕ್ಕೂ ಮರ ಗಿಡಗಳಿಗೆ ಹಾನಿ ಮಾಡಿದೆ. ಅಂಗನವಾಡಿ ವಠಾರಕ್ಕೆ ನುಗ್ಗಿ ಬೆಳೆಹಾನಿ ಮಾಡಿದೆ ಎಂದು ಅಂಗನವಾಡಿ ಕಾರ್ಯಕರ್ತೆ ಸಾರಮ್ಮ ಅರಣ್ಯಾಧಿಕಾರಿಗಳಿಗೆ ದೂರು ನೀಡಿದ್ದಾರೆ.
ಒಂದು ವಾರದಿಂದ ಆನೆಗಳು ಓಡಾಡುತ್ತಿದ್ದು , ಹಲವರ ಕೃಷಿ ತೋಟಗಳಿಗೆ ನುಗ್ಗಿ ಕೃಷಿ ಹಾನಿ ಮಾಡಿವೆ ಎಂದು ರೈತರು ದೂರಿದ್ದಾರೆ.