ವಜ್ರ ಖಚಿತ ವಿಮಾನದ ಅಸಲಿಯತ್ತೇ ಬೇರೆ!
Team Udayavani, Dec 8, 2018, 5:14 AM IST
ಕಳೆದ ಎರಡು ಮೂರು ದಿನಗಳಿಂದ ವಜ್ರ ಖಚಿತ ಎಮಿರೇಟ್ಸ್ ವಿಮಾನದ ಫೋಟೋವೊಂದು ಭಾರಿ ವೈರಲ್ ಆಗಿತ್ತು. ಶ್ರೀಮಂತ ದೇಶ ಅರಬ್ ಈ ಮಾದರಿಯಲ್ಲಿ ವಿಮಾನ ಮಾರ್ಪಾಡು ಮಾಡಿರಲೂಬಹುದು ಎಂದೇ ಎಲ್ಲರೂ ನಂಬಿದ್ದರು. ಈಗ ವಿಮಾನದ ಮರ್ಮ ಬಹಿರಂಗವಾಗಿದೆ. ಈ ವಿಮಾನದ ಚಿತ್ರ ರಚಿಸಿದ್ದು ಸಾರಾ ಶಕೀಲ್ ಎಂಬ ಯುವತಿ.
ಈಕೆ ಇದನ್ನು ತನ್ನ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದಳು. ಇದನ್ನು ಹಲವಾರು ಜನರು ರೀ ಪೋಸ್ಟ್ ಮಾಡಿದ ಬಳಿಕ ಇದು ಎಮಿರೇಟ್ಸ್ ಸಂಸ್ಥೆಗೆ ತಲುಪಿತು. ಸಂಸ್ಥೆಯು ಸಾರಾಳ ಅನುಮತಿ ಕೋರಿ, ಇದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿತ್ತು. ಅಲ್ಲದೆ, ಸಾರಾ ಶಕೀಲ್ ರಚನೆ ಎಂದೂ ಬರೆದಿತ್ತು. ಆದರೂ ಜನ ಇದು ನಿಜದ ವಿಮಾನ ಎಂಬ ಭ್ರಮೆಗೊಳಗಾಗಿ ಪುಳಕಿತಗೊಂಡಿದ್ದರು.