ಮಿಜೋರಾಂ: ಕನಿಷ್ಠ ಅಂತರದ ಜಯ 3 ಮತ, ಗರಿಷ್ಠ ಅಂತರದ ಜಯ 2,720

Team Udayavani, Dec 13, 2018, 4:30 PM IST

ಐಜಾಲ್‌ : ಈಚೆಗೆ ನಡೆದ ಮಿಜೋರಾಂ ವಿಧಾನಸಭೆ ಚುನಾವಣೆಯಲ್ಲಿ  ಕನಿಷ್ಠ ಅಂತರದ ಜಯ 3 ಮತಗಳಲ್ಲೂ ಗರಿಷ್ಠ ಅಂತರದ ಜಯ 2,720 ಮತಗಳ ಅಂತರದಲ್ಲಿ ದಾಖಲಾಗಿರುವುದು ಗಮನಾರ್ಹವಾಗಿದೆ. 

ಕೇವಲ ಮೂರು ಮತಗಳ ಅಂತರದಲ್ಲಿ ಜಯ ಸಾಧಿಸಿದವರು ಮಿಜೋರಾಂ ನ್ಯಾಶನಲ್‌ ಫ್ರಂಟ್‌ (ಎಂಎನ್‌ಎಫ್)ನ  ಲಾಲ್‌ಛಂದಮಾ ರಾಲ್ಟೆ.  ಅವರಿಗೆ ತುಯಿವಾಲ್‌ ಕ್ಷೇತ್ರದಿಂದ ಈ ಅತ್ಯಂತ ಕಡಿಮೆ ಅಂತರದ ಜಯ ದೊರಕಿತು.

ರಾಲ್ಟೆ ಅವರಿಗೆ 5,207 ಮತಗಳು ಸಿಕ್ಕಿದ್ದವು. ಇವರ ನಿಕಟ ಪ್ರತಿಸ್ಪರ್ಧಿ ಕಾಂಗ್ರೆಸ್‌ ನ ಆರ್‌ ಎಲ್‌ ಪಿಯನಾವಿಯಾ ಅವರು 5,204 ಮತ ಗಳಿಸಿದ್ದರು.

ಕೇವಲ 3 ಅಂತರಗಳಲ್ಲಿ ದಾಖಲಾದ ಈ ಜಯವನ್ನು ಪ್ರಶ್ನಿಸಿ  ಪಿಯನಾವಿಯಾ ಅವರು ಮತ ಮರು ಎಣಿಕೆಯನ್ನು ಆಗ್ರಹಿಸಿದ್ದರು. ಆ ಪ್ರಕಾರ ನಡೆದ ಮರು ಎಣಿಕೆಯಲ್ಲಿ ಕೂಡ 3 ಮತಗಳಲ್ಲೇ ಜಯದ ಅಂತರ ದೃಢಪಟ್ಟಿತು.

ಗರಿಷ್ಠ 2,720 ಮತಗಳ ಅಂತರದಲ್ಲಿ ಜಯಸಾಧಿಸಿದವರೆಂದರೆ ಹಾಲಿ ಎಂಎನ್‌ಎಫ್ ಶಾಸಕ ಲಾಲ್‌ರುವಾತ್ಕಿಮಾ ಅವರು. 

ಲಾಲ್‌ರುವಾತ್ಕಿಮಾ ಅವರಿಗೆ ಐಜಾಲ್‌ 2ನೇ ಪಶ್ಚಿಮ ಕ್ಷೇತ್ರದ ಸ್ಪರ್ಧೆಯಲ್ಲಿ 7,626 ಮತಗಳು ಬಂದಿದ್ದವು; ಅವರ ನಿಕಟ ಪ್ರತಿಸ್ಪರ್ಧಿ ಕಾಂಗ್ರೆಸ್‌ ನ ಲಾಲ್‌ಮಾಲ್‌ಸ್ವಾಮಾ ಅವರಿಗೆ 2,720 ಮತಗಳು ದೊರಕಿದವು. ಹೀಗಾಗಿ ಲಾಲ್‌ರುವಾತ್ಕಿಮಾ ಅವರ ವಿಜಯ ಗರಿಷ್ಠ ಅಂತರದ 2,720 ಮತಗಳಲ್ಲಿ ದಾಖಲಾಯಿತು. 

ಮಿಜೋರಾಂ ನಲ್ಲಿ ಏಕೈಕ ಸ್ಥಾನಗೆದ್ದು ಖಾತೆ ಆರಂಭಿಸಿದ್ದ ಬಿಜೆಪಿ ಅಭ್ಯರ್ಥಿ ಬುದ್ಧ ಧನ ಚಕಾ ಅವರಿಗೆ ಎಂಎನ್‌ಎಫ್ ನ ರಸಿಕ ಮೋಹನ ಛಕಾ ವಿರುದ್ಧ 1,594 ಮತಗಳ ಅಂತರದ ಜಯ ಪ್ರಾಪ್ತವಾಯಿತು. 

40 ಸದಸ್ಯ ಬಲದ ಮಿಜೋರಾಂ ವಿಧಾನಸಭೆಯಲ್ಲಿ ಎಂಎನ್‌ಎಫ್ 26 ಸ್ಥಾನಗಳನ್ನು ಗೆದ್ದುಕೊಂಡಿದೆ. ಕಾಂಗ್ರೆಸ್‌ ಕೇವಲ ಐದು ಸ್ಥಾನಗಳನ್ನು ಗೆದ್ದುಕೊಂಡಿದೆ.