ಕಡೇ ದಿನ ಕಚೇರಿಗೆ ಸ್ಪೈಡರ್‌ ಮ್ಯಾನ್‌ ಆಗಿ ಬಂದ!

Team Udayavani, Jan 31, 2019, 9:08 AM IST

ಕೆಲಸ ಮಾಡುವ ಕಚೇರಿಯಲ್ಲಿಯ ಕಡೇ ದಿನವನ್ನು ಬಹಳ ಉದ್ಯೋಗಿಗಳು ನೆನಪಿನಲ್ಲುಳಿಯುವಂತೆ
ಮಾಡಿಕೊಳ್ಳುವುದಿಲ್ಲ. ಆದರೆ, ಬ್ರೆಜಿಲ್‌ನ ಸಾವೊ ಪೌಲೊದ ಬ್ಯಾಂಕೊಂದರ ಉದ್ಯೋಗಿಯೊಬ್ಬರು ಕಚೇರಿಯ ತಮ್ಮ ಕಡೇ ದಿನವನ್ನು ತಮಗಷ್ಟೇ ಅಲ್ಲ, ಕಚೇರಿಯ ಸಹೋದ್ಯೋಗಿಗಳಿಗೂ ನೆನಪಿನಲ್ಲುಳಿಯುಂತೆ ಮಾಡಿದರು. ಕಡೇ ದಿನ ಸ್ಪೈಡರ್‌ಮ್ಯಾನ್‌ ವೇಷ ಧರಿಸಿ ಅವರು ಕಚೇರಿಗೆ ಬಂದಿದ್ದರು.

ಸ್ಪೈಡರ್‌ಮ್ಯಾನ್‌ ವೇಷದಲ್ಲಿಯೇ ಕಚೇರಿಯ ಎಲ್ಲ ಸಿಬಂದಿಯನ್ನು ಎದುರುಗೊಂಡು ಅವರನ್ನು ರಂಜಿಸಿದರು. ಅವರ ಸಹೊದ್ಯೋಗಿಯೊಬ್ಬರು ಅವರು ಸ್ಪೈಡರ್‌ಮ್ಯಾನ್‌ ವೇಷದಲ್ಲಿ ಸಹೋದ್ಯೋಗಿಗಳಿಗೆ ಸಿಹಿ ಹಂಚುವ ತಮಾಷೆಯ ವಿಡಿಯೋವನ್ನು ಜಾಲತಾಣಗಳಲ್ಲಿ ಪೋಸ್ಟ್‌ ಮಾಡಿದ ತರುವಾಯ, ಜಾಲತಾಣಗಳಲ್ಲೂ ಸಾಕಷ್ಟು ಜನ ಅವರ ನಡೆಗೆ ಮಾರುಹೋಗಿದ್ದಾರೆ .