ಒಂದು ವಿಕೆಟ್ನಿಂದ ಎಡವಿದ ಭಾರತ “ಎ’
Team Udayavani, Feb 1, 2019, 12:30 AM IST
ತಿರುವನಂತಪುರ: ಪ್ರವಾಸಿ ಇಂಗ್ಲೆಂಡ್ ಲಯನ್ಸ್ 5ನೇ ಹಾಗೂ ಅಂತಿಮ ಏಕದಿನ ಪಂದ್ಯದಲ್ಲಿ ಗೆಲುವಿನ ಖಾತೆ ತೆರೆಯುವ ಮೂಲಕ ಅಷ್ಟರ ಮಟ್ಟಿಗೆ ಸಮಾಧಾನಪಟ್ಟಿದೆ. ಗುರುವಾರ ಭಾರತ “ಎ’ ವಿರುದ್ಧ ಇನ್ನೇನು ಕೈಜಾರಲಿದ್ದ ಪಂದ್ಯವನ್ನು ಒಂದು ವಿಕೆಟ್ ರೋಚಕ ಜಯದೊಂದಿಗೆ ತನ್ನದಾಗಿಸಿಕೊಂಡು ಕ್ಲೀನ್ ಸ್ವೀಪ್ ಅವಮಾನದಿಂದ ಪಾರಾಗಿದೆ.
ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ “ಎ’ 35 ಓವರ್ಗಳಲ್ಲಿ 121 ರನ್ನುಗಳ ಸಣ್ಣ ಮೊತ್ತಕ್ಕೆ ಆಲೌಟಾದರೂ ಬೌಲಿಂಗ್ ಮೂಲಕ ತಿರುಗೇಟು ನೀಡಿತು. 114ಕ್ಕೆ 9 ವಿಕೆಟ್ ಉರುಳಿದಾಗ ಭಾರತಕ್ಕೂ ಗೆಲ್ಲುವ ಉಜ್ವಲ ಅವಕಾಶವಿತ್ತು. ಆದರೆ ಒಂದೆಡೆ ಕ್ರೀಸಿಗೆ ಅಂಟಿಕೊಂಡು ನಿಂತಿದ್ದ ಮಧ್ಯಮ ಸರದಿಯ ಬ್ಯಾಟ್ಸ್ಮನ್ ಬೆನ್ ಡಕೆಟ್ ಗೆಲುವನ್ನು ಕಸಿಯುವಲ್ಲಿ ಯಶಸ್ವಿಯಾದರು. ಲಯನ್ಸ್ 30.3 ಓವರ್ಗಳಲ್ಲಿ 9 ವಿಕೆಟಿಗೆ 125 ಬಾರಿಸಿ ಗೆಲುವಿನ ನಗು ಹೊಮ್ಮಿಸಿತು.ಲಯನ್ಸ್ ಗೆಲುವಿನ ವೇಳೆ ಡಕೆಟ್ 70 ರನ್ ಮಾಡಿ ಅಜೇಯರಾಗಿದ್ದರು (86 ಎಸೆತ, 10 ಬೌಂಡರಿ, 1 ಸಿಕ್ಸರ್). ಇವರನ್ನು ಹೊರತುಪಡಿಸಿ ಎರಡಂಕೆಯ ಸ್ಕೋರ್ ದಾಖಲಿಸಿದ ಮತ್ತೂಬ್ಬ ಆಟಗಾರನೆಂದರೆ ಹೇನ್ (12).
ರಾಹುಲ್ ಗೋಲ್ಡನ್ ಡಕ್
ಆರಂಭಕಾರ ಕೆ.ಎಲ್. ರಾಹುಲ್ ಪಂದ್ಯದ ಮೊದಲ ಎಸೆತದಲ್ಲೇ ಗ್ರೆಗರಿಗೆ ಬೌಲ್ಡ್ ಆಗಿ ನಿರಾಶೆ ಮೂಡಿಸಿದರು. ಲಾಡ್ 36, ಅಕ್ಷರ್ ಪಟೇಲ್ 23, ದೀಪಕ್ ಚಹರ್ 21 ರನ್ ಮಾಡಿದರು.
ಸಂಕ್ಷಿಪ್ತ ಸ್ಕೋರ್: ಭಾರತ “ಎ’-35 ಓವರ್ಗಳಲ್ಲಿ 121 (ಲಾಡ್ 36, ಅಕ್ಷರ್ ಪಟೇಲ್ 23, ದೀಪಕ್ ಚಹರ್ 21, ಓವರ್ಟನ್ 24ಕ್ಕೆ 3, ಬೇಲಿ 23ಕ್ಕೆ 2). ಇಂಗ್ಲೆಂಡ್ ಲಯನ್ಸ್-30.3 ಓವರ್ಗಳಲ್ಲಿ 9 ವಿಕೆಟಿಗೆ 125 (ಡಕೆಟ್ ಔಟಾಗದೆ 70, ಹೇನ್ 12, ದೀಪಕ್ ಚಹರ್ 25ಕ್ಕೆ 3, ರಾಹುಲ್ ಚಹರ್ 43ಕ್ಕೆ 3).
ಪಂದ್ಯಶ್ರೇಷ್ಠ: ಬೆನ್ ಡಕೆಟ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Udupi: ಸಾಲ ಪ್ರಕರಣ: ಆರೋಪಿಗಳು ದೋಷಮುಕ್ತ
Students; ವಿವಸ್ತ್ರಗೊಳಿಸಿ, ಖಾಸಗಿ ಅಂಗಕ್ಕೆ ಘಾಸಿ!; ಹಿರಿಯ ವಿದ್ಯಾರ್ಥಿಗಳಿಂದ ಚಿತ್ರಹಿಂಸೆ
IPL 2024; ಲಕ್ನೋ, ಹೈದ್ರಾಬಾದ್ ಸೆಣಸು; ಗೆಲ್ಲುವ ತಂಡಕ್ಕೆ ಪ್ಲೇಆಫ್ ಸ್ಥಾನ ಬಹುತೇಕ ಖಚಿತ
ಜಾನುವಾರುಗಳಿಗೆ ಮೇವು; ಹಸುರು ಹುಲ್ಲಿನ ಬದಲು ತರಕಾರಿ ಸಿಪ್ಪೆ ಬಳಕೆ
ಅನಿರೀಕ್ಷಿತ ಯಶಸ್ಸು..ಅನಿರೀಕ್ಷಿತ ಪ್ರಗತಿ… ಅನಿರೀಕ್ಷಿತ ಧನಪ್ರಾಪ್ತಿ