100 ಅಟ್ಟೆ ಮಲ್ಲಿಗೆ 15 ನಿಮಿಷದಲ್ಲಿ ಖಾಲಿ
Team Udayavani, May 31, 2019, 3:00 AM IST
ಮಂಗಳೂರು: ನಗರದ ಸಿಟಿ ಸೆಂಟರ್ ಮುಂಭಾಗದ ವಸಂತ್ಮಹಲ್ ಬಳಿ ಹೂವಿನ ವ್ಯಾಪಾರಿ ಫಕೀರಬ್ಬ ಅವರು 100 ಅಟ್ಟೆ (400 ಚೆಂಡು) ಮಲ್ಲಿಗೆಯನ್ನು ಮಹಿಳೆಯರಿಗೆ ಉಚಿತವಾಗಿ ಹಂಚಿದರು. ವಿಶೇಷವೆಂದರೆ, ಮಲ್ಲಿಗೆ ಪಡೆದುಕೊಳ್ಳಲು ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿದ್ದರಿಂದ ಹದಿನೈದೇ ನಿಮಿಷದಲ್ಲಿ ಮಲ್ಲಿಗೆ ಹೂ ಖಾಲಿಯಾಗಿತ್ತು.
ಈ ವೇಳೆ ಮಾತನಾಡಿದ ಫಕೀರಬ್ಬ, “ನಾನು ಯಾವುದೇ ಪಕ್ಷದವನಲ್ಲ. ಮೋದಿಯವರ ಅಭಿಮಾನಿ. ಮೋದಿ ಆಡಳಿತದಲ್ಲಿ ದೇಶ ಸುಭಿಕ್ಷವಾಗಬೇಕು ಎಂಬ ಆಶಯ ಹೊತ್ತು ಅವರ ಪ್ರಮಾಣವಚನದ ದಿನ ಈ ಸಣ್ಣ ಸೇವೆಯನ್ನು ಮಾಡುತ್ತಿದ್ದೇನೆ’ ಎಂದರು.