ಸ್ಯಾಕ್ಸೊಫೋನ್‌ ಆಲಿಸಲು ಬಂದ ಗೋವುಗಳು

Team Udayavani, Jul 2, 2019, 3:51 PM IST

ಕೃಷ್ಣನ ಕೊಳಲ ನಾದ ಕೇಳಿ ಗೋವುಗಳೆಲ್ಲ ಆತನ ಸುತ್ತ ಬಂದು ನಿಲ್ಲುತ್ತಿದ ಕಥೆಯನ್ನು ನಾವೆಲ್ಲರೂ ಕೇಳಿದ್ದೇವೆ. ಪೋರ್ಟ್‌ಲ್ಯಾಂಡ್‌ನ‌ ಆಧುನಿಕ ಕೃಷ್ಣ ಸ್ಯಾಕ್ಸೊಫೋನ್‌ ನುಡಿಸಿ ಹುಲ್ಲುಗಾವಲಿನಲ್ಲಿದ್ದ ಗೋವುಗಳೆಲ್ಲಾ ತಮ್ಮನ್ನು ಸುತ್ತುವರಿಯುವಂತೆ ಮಾಡಿದ್ದಾರೆ. ಈ ವಿಡಿಯೋವನ್ನು ಅವರ ಮಗ ಚಿತ್ರೀಕರಿಸಿ ಟ್ವಿಟರ್‌ನಲ್ಲಿ ಹರಿಬಿಟ್ಟಿದ್ದಾರೆ. ಈ ವಿಡಿಯೋಗೆ ಜಾಲತಾಣಿಗರು ಮನಸೋತಿದ್ದಾರೆ. ಎರಿನ್‌ ಹೆರ್ಮನ್‌ ತನ್ನ ಪೋಷಕರ ಜೊತೆ ಕಾರಿನಲ್ಲಿ ಊರಿನ ಹೊರವಲಯದಲ್ಲಿ ಸಂಚರಿಸುತ್ತಿದ್ದ ವೇಳೆ ಹುಲ್ಲುಗಾವಲಿನಲ್ಲಿ ನೂರಾರು ಜಾನುವಾರುಗಳು ಮೇಯುತ್ತಿದ್ದದ್ದು ಅವರ ಕಣ್ಣಿಗೆ ಬಿದ್ದವು. ಕೂಡಲೇ ಅವರ ಅವರ ತಂದೆ ಸ್ಯಾಕ್ಸೊಫೋನ್‌ ನೊಂದಿಗೆ ಕೆಳಗೆ ಇಳಿದು ಒಂದಷ್ಟು ರಾಗಗಳನ್ನು ನುಡಿಸಿದರು. ದೂರ ದೂರದಲ್ಲಿದ್ದ ಜಾನುವಾರುಗಳೆಲ್ಲಾ ಅವರ ಹತ್ತಿರ ಬಂದು ನಿಂತು ಸ್ಯಾಕ್ಸೊಫೋನ್‌ ಆಲಿಸಿದವು.