ವಿದ್ಯುತ್ ಕಂಬ ಹೊತ್ತು ನದಿ ದಾಟಿದ ಸಿಬಂದಿ
Team Udayavani, Jul 12, 2019, 10:29 AM IST
ಹೆಬ್ರಿ: ಹೆಬ್ರಿ ಪರಿಸರದಲ್ಲಿ ಗಾಳಿ ಸಹಿತ ಮಳೆಗೆ ಕಬ್ಬಿನಾಲೆ ಮತ್ತಾವು ಬಳಿ ಬೃಹತ್ ಮರಗಳು ವಿದ್ಯುತ್ ತಂತಿಯ ಮೇಲೆ ಉರುಳಿದ ಪರಿಣಾಮ 6 ಕಂಬಗಳು ಮುರಿದು ಬಿದ್ದಿವೆ. 19ಕ್ಕೂ ಅಧಿಕ ಕಂಬಗಳಿಗೆ ಹಾನಿಯಾಗಿದೆ.
ಮೆಸ್ಕಾಂ ಸಿಬಂದಿ ಸುರಿಯುತ್ತಿರುವ ಮಳೆ ಲೆಕ್ಕಿಸದೆ ಸುಮಾರು 1.5 ಕಿ.ಮೀ. ದೂರದಲ್ಲಿ ಕಂಬ ತುಂಡಾದ ಪ್ರದೇಶಕ್ಕೆ ಹೊಸ ಕಂಬಗಳನ್ನು ತಲೆಹೊರೆಯಲ್ಲೇ ಸಾಗಿಸಿ ದುರಸ್ತಿ ಕಾರ್ಯ ನಡೆಸಿದರು.