ಇಂದು ಭಾಗಶಃ ಚಂದ್ರಗ್ರಹಣ
Team Udayavani, Jul 16, 2019, 5:43 AM IST
ಹೊಸದಿಲ್ಲಿ: ಮಂಗಳವಾರ ತಡರಾತ್ರಿ ಸಂಭವಿಸಲಿರುವ ಚಂದ್ರಗ್ರಹಣವನ್ನು ಕಣ್ತುಂಬಿ ಕೊಳ್ಳಲು ಖಗೋಳಾಸಕ್ತರು ತುದಿಗಾಲಲ್ಲಿ ನಿಂತಿದ್ದಾರೆ.
ಇಂದು ರಾತ್ರಿ 12.13ಕ್ಕೆ ಸರಿಯಾಗಿ ಗ್ರಹಣ ಆರಂಭವಾಗಲಿದ್ದು, 5 ಗಂಟೆ 34 ನಿಮಿಷಗಳ ಕಾಲ ಸಕ್ರಿಯ ವಾಗಿರಲಿದೆ. ಬುಧವಾರ ನಸುಕಿನಲ್ಲಿ ಅಂದರೆ ಸುಮಾರು 3 ಗಂಟೆಯ ವೇಳೆಗೆ ಗ್ರಹಣವು ಗರಿಷ್ಠ ಮಟ್ಟಕ್ಕೆ ತಲುಪಲಿದೆ. 1.31ರ ವೇಳೆಗೆ ಭಾಗಶಃ ಚಂದ್ರಗ್ರಹಣ ಸ್ಪಷ್ಟವಾಗಿ ಗೋಚರಿಸಲಿದ್ದು, 4.29ಕ್ಕೆ ಅಂತ್ಯವಾಗಲಿದೆ ಎಂದು ನಾಸಾ ತಿಳಿಸಿದೆ.
ಭಾರತ, ಯುರೋಪ್, ಆಫ್ರಿಕಾ, ದ. ಅಮೆರಿಕ, ಆಸ್ಟ್ರೇಲಿಯಾದಲ್ಲಿ ಗ್ರಹಣ ಗೋಚರಿ ಸಲಿದೆ. ಇದು ಈ ವರ್ಷದ ಕೊನೆಯ ಚಂದ್ರಗ್ರಹಣ ಎಂದೂ ಹೇಳಲಾಗಿದೆ. 2020ರ ಜನವರಿ 10ರಂದು ಮುಂದಿನ ಚಂದ್ರಗ್ರಹಣ ಸಂಭವಿಸಲಿದೆ ಎಂದಿದೆ ನಾಸಾ.