ದಿಗ್ಗಜ ಮಾಲಿಂಗಗೆ ಗೆಲುವಿನ ವಿದಾಯ ನೀಡಿದ ಲಂಕಾ
ಬಾಂಗ್ಲಾ ವಿರುದ್ಧ 91 ರನ್ ಜಯ ಸಾಧಿಸಿದ ಸಿಂಹಳೀಯರು
Team Udayavani, Jul 27, 2019, 9:19 AM IST
ಕೊಲಂಬೋ: ಶ್ರೀಲಂಕಾದ ದಿಗ್ಗಜ ಬೌಲರ್ ಲಸಿತ್ ಮಾಲಿಂಗ ಕೊಲಂಬೋದ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಶುಕ್ರವಾರ ತನ್ನ ಅಂತಿಮ ಅಂತಾರಾಷ್ಟ್ರೀಯ ಏಕದಿನ ಪಂದ್ಯಾಡಿದರು. ಬಾಂಗ್ಲಾ ವಿರುದ್ಧ 91 ರನ್ ಗಳ ಭರ್ಜರಿ ಜಯ ಸಾಧಿಸಿದ ಲಂಕಾ ದಿಗ್ಗಜ ವೇಗಿಗೆ ಗೆಲುವಿನ ವಿದಾಯ ನೀಡಿತು.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿದ ಲಂಕಾ ನಾಯಕ ನಿಗದಿತ 50 ಓವರ್ ಗಳಲ್ಲಿ ಗಳಿಸಿದ್ದು 314 ರನ್. ವನ್ ಡೌನ್ ಬ್ಯಾಟ್ಸಮನ್ ಕುಸಲ್ ಪೆರೇರಾ ಭರ್ಜರಿ ಶತಕದ ನೆರವಿನಿಂದ ಲಂಕಾ ಬೃಹತ್ ಮೊತ್ತ ಕಲೆ ಹಾಕಿತು. ಕುಸಲ್ ಪೆರೇರಾ 111 ರನ್ ಗಳಿಸಿದರೆ, ಕುಸಲ್ ಮೆಂಡಿಸ್ 43, ಆಂಜೆಲೋ ಮ್ಯಾಥ್ಯೂಸ್ 48 ರನ್ ಗಳಿಸಿದರು. ಅಂತಿಮ ಪಂದ್ಯದಲ್ಲಿ ಬ್ಯಾಟ್ ಮಾಡುವ ಅವಕಾಶ ಪಡೆದ ಲಸಿತ್ ಮಾಲಿಂಗ ಅಜೇಯ ಆರು ರನ್ ಗಳಸಿದರು. ಬಾಂಗ್ಲಾ ಪರ ಶಫಿಯುಲ್ ಇಸ್ಲಾಂ ಮೂರು ವಿಕೆಟ್ ಪಡೆದು ಮಿಂಚಿದರು.
ಮುನ್ನೂರಕ್ಕೂ ಅಧಿಕ ರನ್ ಗಳ ಗುರಿ ಬೆನ್ನತ್ತಿದ ಬಾಂಗ್ಲಾಗೆ ಮಾಲಿಂಗ ಆರಂಭದಲ್ಲೇ ಆಘಾತ ನೀಡಿದರು. ಆರಂಭಿಕರಾದ ತಮೀಮ್ ಇಕ್ಬಾಲ್ ಮತ್ತು ಸೌಮ್ಯಾ ಸರ್ಕಾರ್ ರನ್ನು ಬೌಲ್ಡ್ ಮಾಡಿದ ಮಾಲಿಂಗ ಲಂಕಾಗೆ ಆರಂಭಿಕ ಯಶಸ್ಸು ನೀಡಿದರು. ಬಾಂಗ್ಲಾ ಪರ ಮುಶ್ಫಿಕರ್ ರಹೀಂ 67 ರನ್ ಗಳಿಸಿದರೆ, ಶಬೀರ್ ರೆಹಮಾನ್ 60 ರನ್ ಗಳಿಸಿ ಹೋರಾಟ ನಡೆಸಿದರು. ಆದರೆ ಬೇರೆ ಯಾವ ಆಟಗಾರನ ಬೆಂಬಲವೂ ಸಿಗದೆ ಬಾಂಗ್ಲಾ 223 ರನ್ ಗಳಿಗೆ ಆಲ್ ಔಟ್ ಆಯಿತು. ಇದರೊಂದಿಗೆ ಲಂಕಾ 91 ರನ್ ಗಳ ಜಯ ದಾಖಲಿಸಿತು. ಮಾಲಿಂಗ ಮತ್ತು ನುವಾನ್ ಪ್ರದೀಪ್ ತಲಾ ಮೂರು ವಿಕೆಟ್ ಪಡೆದರು. ಮೂರು ಪಂದ್ಯಗಳ ಸರಣಿಯಲ್ಲಿ ಲಂಕಾ 1-0 ಮುನ್ನಡೆ ಸಾಧಿಸಿತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
T20 World Cup; ಭಾರತ ತಂಡ ಪ್ರಕಟ; ಅವಕಾಶ ಪಡೆದ ಪಾಂಡ್ಯ, ಪಂತ್, ಸ್ಯಾಮ್ಸನ್
T20 ವಿಶ್ವಕಪ್ ಇಂಗ್ಲೆಂಡ್ ತಂಡ ಪ್ರಕಟ: ವರ್ಷದ ಬಳಿಕ ಸ್ಟಾರ್ ಬೌಲರ್ ತಂಡಕ್ಕೆ ಕಂಬ್ಯಾಕ್
ಬ್ಯಾಟಿಂಗ್ – ಬೌಲಿಂಗ್ ಎರಡರಲ್ಲೂ ಬಲಿಷ್ಠ: T20 ವಿಶ್ವಕಪ್ಗೆ ದಕ್ಷಿಣ ಆಫ್ರಿಕಾ ಪ್ರಕಟ
Mumbai Indians ವಿರುದ್ಧ ತವರಿನ ಅಂಗಳ: ರಾಹುಲ್ಗೆ ಮಹತ್ವದ ಪಂದ್ಯ
Champions Trophy ತಾಣ ಅಂತಿಮ ಲಾಹೋರ್, ಕರಾಚಿಯಲ್ಲಿ: ಭಾರತದ ಪಂದ್ಯಗಳೆಲ್ಲಿ?