ಟೆಸ್ಟ್: ಮೊದಲ ಪಂದ್ಯಕ್ಕೆ ಪಂತ್ ಕೈಬಿಟ್ಟ ವಿರಾಟ್; ಸಾಹಾ ಕೀಪರ್
Team Udayavani, Oct 1, 2019, 3:40 PM IST
ವಿಶಾಖಪಟ್ಟಣ: ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಪ್ರಥಮ ಟೆಸ್ಟ್ ಪಂದ್ಯಕ್ಕೆ ವೃದ್ದಿಮಾನ್ ಸಾಹಾ ಅವರನ್ನು ವಿಕೆಟ್ ಕೀಪರ್ ಆಗಿ ಆಯ್ಕೆ ಮಾಡಲಾಗಿದೆ. ಕಳೆದ ಕೆಲವು ಪಂದ್ಯಗಳಲ್ಲಿ ಕಳಪೆ ಪ್ರದರ್ಶನ ತೋರಿದ ರಿಷಭ್ ಪಂತ್ ರನ್ನು ಮೊದಲ ಪಂದ್ಯದ ಆಯ್ಕೆಯಿಂದ ಕೈಬಿಡಲಾಗಿದೆ.
ರಿಷಭ್ ಪಂತ್ ಕಳೆದ ವೆಸ್ಟ್ ಇಂಡೀಸ್ ಸರಣಿಯಲ್ಲಿ ಎರಡು ಪಂದ್ಯಗಳಿಂದ ಕೇವಲ 58 ರನ್ ಗಳಿಸಲಷ್ಟೇ ಶಕ್ತರಾಗಿದ್ದರು. ಹಾಗಾಗಿ ಅವರ ಬದಲಿಗೆ ಸಾಹ ಅವಕಾಶ ಪಡೆದಿದ್ದಾರೆ.
2018ರ ಜನವರಿಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಕೊನೆಯ ಟೆಸ್ಟ್ ಪಂದ್ಯವಾಡಿದ್ದರು. 32 ಟೆಸ್ಟ್ ಪಂದ್ಯವಾಡಿರುವ ಸಾಹ 1164 ರನ್ ಗಳಿಸಿದ್ದಾರೆ.
ಗಾಯದಿಂದ ತಂಡದಿಂದ ಹೊರಬಿದ್ದಿದ್ದ ಸಾಹಾ ಜಾಗವನ್ನು ರಿಷಭ್ ಪಂತ್ ತುಂಬಿದ್ದರು.