ಚೀನದ 28 ಕಂಪೆನಿಗಳನ್ನು ಕಪ್ಪು ಪಟ್ಟಿಗೆ ಸೇರಿಸಿದ ಅಮೆರಿಕ

Team Udayavani, Oct 10, 2019, 8:00 PM IST

ಬೀಜಿಂಗ್: ಅಮೆರಿಕ ಮತ್ತು ಚೀನದ ವ್ಯಾಪಾರ ಸಮರ ಈಗ ಮತ್ತೂಂದು ಹಂತಕ್ಕೆ ತಲುಪಿದ್ದು, ಚೀನದ 28 ಕಂಪೆನಿಗಳನ್ನು ಅಮೆರಿಕ ಕಪ್ಪುಪಟ್ಟಿಗೆ ಸೇರಿಸಿದೆ. ಇದರಿಂದ ಚೀನ ತನ್ನ ಉತ್ಪನ್ನ ಹಾಗೂ ಸೇವೆಯ ಅಮೆರಿಕ ಪಾಲನ್ನು ಕಳೆದುಕೊಳ್ಳಲಿದೆ. ಕಪ್ಪು ಪಟ್ಟಿಗೆ ಸೇರ್ಪಡೆಯಾದ 28 ಸಂಸ್ಥೆಗಳ ಪೈಕಿ 8 ತಂತ್ರಜ್ಞಾನ ಸಂಸ್ಥೆಗಳು ಇವೆ. ಇದರನ್ವಯ ಅಮೆರಿಕದ ಯಾವುದೇ ಸಂಸ್ಥೆ ಚೀನದ ಈ ಎಲ್ಲಾ ಸಂಸ್ಥೆಗಳು ಉತ್ಪಾದಿಸಿದ ವಸ್ತುವನ್ನು ಕೊಂಡುಕೊಳ್ಳಲು ಅವಕಾಶ ಇಲ್ಲವಾಗಿದೆ. ಅವರು ಸರಕಾರದ ಒಪ್ಪಿಗೆ ಪಡೆದೇ ಮುಂದುವರಿಯಬೇಕಾಗಿದೆ. ಅಮೆರಿಕದಲ್ಲಿ ಈಗಾಗಲೇ ಹುವಾಯಿ ಮೊಬೈಲ್ ನಿಷೇಧಿಸಲಾಗಿತ್ತು.

ಯಾವೆಲ್ಲ ತಾಂತ್ರಿಕ ಸಂಸ್ಥೆಗಳು:

ದುವಾ ಟೆಕ್ನಾಲಾಜೀಸ್, ಹೈಕ್ವಿಷನ್, iFLYTEK, ಮೆಗ್ವಿಲ್ ಟೆಕ್ನಾಲಜಿ, ಸೆನ್ಸ್ ಟೈಮ್, Xiamen Meiya Pico Information, ಹಿಟು ಟೆಕ್ನಾಲಜಿ, Yixin Science and Technology ಕಪ್ಪು ಪಟ್ಟಿಗೆ ಸೇರಿದ ಪ್ರಮುಖ ತಂತ್ರಜ್ಞಾನ ಸಂಸ್ಥೆಗಳಾಗಿವೆ.