ಪ್ಯಾರಿಸ್ ಮಾಸ್ಟರ್ ಟೆನಿಸ್: ಕ್ವಾ. ಫೈನಲ್ಗೆ ಬೋಪಣ್ಣ- ಶಪೊವಲೋವ್ ಜೋಡಿ
Team Udayavani, Nov 2, 2019, 12:29 AM IST
ಪ್ಯಾರಿಸ್: ಭಾರತದ ರೋಹನ್ ಬೋಪಣ್ಣ-ಕೆನಡಾದ ಡೆನ್ನಿಸ್ ಶಪೊವಲೋವ್ “ಪ್ಯಾರಿಸ್ ಮಾಸ್ಟರ್ ಟೆನಿಸ್’ ಪಂದ್ಯಾವಳಿಯ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ.
16ರ ಸುತ್ತಿನ ಪುರುಷರ ಡಬಲ್ಸ್ ಪಂದ್ಯದಲ್ಲಿ ಇವರಿಬ್ಬರು ಸೇರಿಕೊಂಡು ಮಾನ್ಯುಯೆಲ್ ಗೊಂಝಾಲೆಜ್ (ಅಮೆರಿಕ)-ಆಸ್ಟಿನ್ ಕ್ರಾಜಿಸೆಕ್ (ಆರ್ಜೆಂಟೀನಾ) ವಿರುದ್ಧ 6-1, 6-3 ಅಂತರದ ಗೆಲುವು ಸಾಧಿಸಿದರು.
ಸುಮಾರು ಒಂದು ಗಂಟೆ ಕಾಲ ನಡೆದ ಈ ಪಂದ್ಯದಲ್ಲಿ ಬೋಪಣ್ಣ- ಶಪೊವಲೋವ್ 8 ಏಸ್ ಸಿಡಿಸುವ ಮೂಲಕ ಆಕ್ರಮಣಕಾರಿಯಾಗಿ ಗೋಚರಿಸಿದರು. ಇದಕ್ಕೂ ಹಿಂದಿನ ಪಂದ್ಯದಲ್ಲಿ ಇವರು ಬೆನೊಯಿಟ್ ಪೇರ್-ಫೆರ್ನಾಂಡೊ ವೆರ್ದೆಸ್ಕೊ ವಿರುದ್ಧ 6-4, 7-5 ಅಂತರದ ಜಯ ದಾಖಲಿಸಿದ್ದರು.
ಇಂಡಿಯನ್-ಕೆನಡಿಯನ್ ಜೋಡಿಯ ಕ್ವಾರ್ಟರ್ ಫೈನಲ್ ಎದುರಾಳಿ ರಶ್ಯದ ಕರೆನ್ ಕಶನೋವ್-ಆ್ಯಂಡ್ರೆ ರುಬ್ಲೋವ್. ಈ ಪಂದ್ಯ ಶುಕ್ರವಾರ ತಡರಾತ್ರಿ ನಡೆಯಲಿದೆ.
ನಡಾಲ್ಗೆ ಶರಣಾದ ವಾವ್ರಿಂಕ
ಪ್ಯಾರಿಸ್ ಮಾಸ್ಟರ್ ಟೆನಿಸ್ ಪಂದ್ಯಾವಳಿಯ ಪುರುಷರ ಸಿಂಗಲ್ಸ್ನಲ್ಲಿ ರಫೆಲ್ ನಡಾಲ್ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ. ಅವರು ಸ್ಟಾನಿಸ್ಲಾಸ್ ವಾವ್ರಿಂಕ ವಿರುದ್ಧ 6-4, 6-4 ನೇರ ಸೆಟ್ಗಳ ಜಯ ಸಾಧಿಸಿ ಓಟ ಮುಂದುವರಿಸಿದರು.
ಇದು ಸ್ವಿಸ್ ಟೆನಿಸಿಗ ವಾವ್ರಿಂಕ ವಿರುದ್ಧ ಆಡಿದ 22 ಪಂದ್ಯಗಳಲ್ಲಿ ನಡಾಲ್ ಸಾಧಿಸಿದ 19ನೇ ಗೆಲುವು ಎಂಬುದು ವಿಶೇಷ. ಈವರೆಗೆ ಪ್ಯಾರಿಸ್ ಮಾಸ್ಟರ್ ಪ್ರಶಸ್ತಿ ಜಯಿಸದ ನಡಾಲ್ ಇನ್ನು 2008ರ ಚಾಂಪಿಯನ್ ಜೋ ವಿಲ್ಫ್ರೆಡ್ ಸೋಂಗ ವಿರುದ್ಧ ಸೆಣಸಲಿದ್ದಾರೆ. ಇನ್ನೊಂದು ಪಂದ್ಯದಲ್ಲಿ ಸೋಂಗ ಜರ್ಮನಿಯ ಬಿಗ್ ಹಿಟ್ಟಿಂಗ್ ಟೆನಿಸಿಗ ಜಾನ್ ಲೆನಾರ್ಡ್ ಸ್ಟ್ರಫ್ ವಿರುದ್ಧ 3 ಸೆಟ್ಗಳ ಹೋರಾಟ ನಡೆಸಿ 2-6, 6-4, 7-6 (8-6) ಅಂತರದಿಂದ ಗೆದ್ದು ಬಂದರು. ಸೋಂಗ ವಿರುದ್ಧ ನಡಾಲ್ 9-4 ಗೆಲುವಿನ ದಾಖಲೆ ಹೊಂದಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ʼರಾಮಾಯಣʼ ಸೆಟ್ನಿಂದ ʼರಾಮ – ಸೀತೆʼಯಾದ ರಣ್ಬೀರ್- ಸಾಯಿಪಲ್ಲವಿ ಪಾತ್ರದ ಫೋಟೋ ಲೀಕ್
ಇದು ದೇಶದ ಚುನಾವಣೆ, ಸಿಎಂ ಸ್ಥಾನದ ಮಾಧ್ಯಮಗಳ ಚರ್ಚೆ ಅಪ್ರಸ್ತುತ: ಬಿ.ಕೆ.ಹರಿಪ್ರಸಾದ್
ಪ್ರಹ್ಲಾದ ಜೋಶಿ ವೀರಶೈವ ಲಿಂಗಾಯತರ ಅವನತಿಗಾಗಿ ಹುಟ್ಟಿಕೊಂಡವರು: ದಿಂಗಾಲೇಶ್ವರ ಸ್ವಾಮೀಜಿ
April 28 ರಂದು ರಾಜ್ಯಮಟ್ಟದ ವಿದ್ಯಾರ್ಥಿ ಸಮಾವೇಶಕ್ಕೆ ಚಿತ್ರನಟ ಪ್ರಕಾಶ ರೈ ಆಗಮನ
ಕೇಂದ್ರದಿಂದ 3454 ಕೋಟಿ ರೂ. ಬರ ಪರಿಹಾರ; ರಾಜ್ಯಕ್ಕೆ ಸಂದ ಜಯ: ಈಶ್ವರ ಖಂಡ್ರೆ