ದೇಶದ ಸಲಾಂ;ಕಾರ್ಗಿಲ್ ಯುದ್ಧದಲ್ಲಿ ಮಹತ್ವದ ವಹಿಸಿದ್ದ ಮಿಗ್ 27 ಯುದ್ಧ ವಿಮಾನ ಸೇವೆ ಯುಗಾಂತ್ಯ

Team Udayavani, Dec 27, 2019, 11:18 AM IST

ನವದೆಹಲಿ: ಭಾರತೀಯ ಸೇನೆ ಹಾಗೂ 1999ರ ಕಾರ್ಗಿಲ್ ಯುದ್ಧದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಭಾರತೀಯ ವಾಯುಪಡೆಯ (ಐಎಎಫ್) ನ ಮಿಗ್ 27 ಯುದ್ಧ ವಿಮಾನ ರಾಜಸ್ಥಾನದ ಜೋಧ್ ಪುರದಲ್ಲಿ ಕೊನೆ ಹಾರಾಟ ನಡೆಸುವ ಮೂಲಕ ಇತಿಹಾಸದ ಪುಟ ಸೇರಿದಂತಾಗಿದೆ.

ಹಲವಾರು ವರ್ಷಗಳ ಕಾಲ ಮಿಗ್ 27 ಯುದ್ಧ ವಿಮಾನ ಭಾರತೀಯ ವಾಯುಪಡೆಯ ಬೆನ್ನೆಲುಬಾಗಿತ್ತು. ಆದರೆ ಇಂದು ತನ್ನ ಕೊನೆಯ ಹಾರಾಟದ ಮೂಲಕ ಮಿಗ್ 27 ಯುದ್ಧ ವಿಮಾನದ ಯುಗಾಂತ್ಯವಾದಂತಾಗಿದೆ.

ಜೋಧ್ ಪುರದ ವಾಯು ಪಡೆ ನೆಲೆಯಲ್ಲಿ ಮಿಗ್ 27 ಯುದ್ಧ ವಿಮಾನ ಕೊನೆ ಹಾರಾಟ ನಡೆಸಿದ್ದು, ಮಿಗ್ 27 ಸೇವಾ ನಿಲುಗಡೆ ಸಮಾರಂಭದಲ್ಲಿ ವಾಯುಪಡೆಯ ಹಿರಿಯ ಯೋಧರು, ಏರ್ ಮಾರ್ಷಲ್ ಎಸ್ ಕೆ ಘೋಟಿಯಾ, ವಾಯುಪಡೆ ಅಧಿಕಾರಿಗಳು ಭಾಗವಹಿಸಿದ್ದಾರೆ.

ಈಗಾಗಲೇ ಭಾರತೀಯ ವಾಯುಪಡೆಯ ಮಿಗ್ 23ಬಿಎನ್, ಮಿಗ್ 23ಎಂಎಫ್ ಹಾಗೂ ಮಿಗ್ 27 ಈಗಾಗಲೇ ಯುದ್ಧ ಸೇವೆಯಿಂದ ನಿವೃತ್ತಿಯಾಗಿವೆ.