ಡಬಲ್ಸ್ : ದಿವಿಜ್ ಶರಣ್ ದ್ವಿತೀಯ ಸುತ್ತಿಗೆ
Team Udayavani, Jan 23, 2020, 12:36 AM IST
ಮೆಲ್ಬರ್ನ್: ಭಾರತದ ದಿವಿಜ್ ಶರಣ್ ಮತ್ತು ಅವರ ನ್ಯೂಜಿಲ್ಯಾಂಡಿನ ಜತೆಗಾರ ಆರ್ಟೆಮ್ ಸಿಟಾಕ್ ಅವರು ಪುರುಷರ ಡಬಲ್ಸ್ನಲ್ಲಿ ದ್ವಿತೀಯ ಸುತ್ತಿಗೇರಿದ್ದಾರೆ.
ಪೋರ್ಚುಗೀಸ್-ಸ್ಪಾನಿಶ್ನ ಪಾಬ್ಲೊ ಕಾರೆನೊ ಬುಸ್ಟ ಮತು ಜೊವೊ ಸೌಸ ಅವರನ್ನು 6-4, 7-5 ಸೆಟ್ಗಳಿಂದ ಸೋಲಿಸಿ ಮುನ್ನಡೆದರು. ಈ ಪಂದ್ಯ ಒಂದು ತಾಸು ಮತ್ತು 28 ನಿಮಿಷಗಳವರೆಗೆ ಸಾಗಿತ್ತು.
ಈ ಮೊದಲು ಭಾರತದ ಅಗ್ರ ರ್ಯಾಂಕಿನ ಆಟಗಾರ ಪ್ರಜ್ಞೆàಶ್ ಗುಣೇಶ್ವರನ್ ಅವರು ಮೊದಲ ಸುತ್ತಿನಲ್ಲಿ ಸೋತು ನೋವಾಕ್ ಜೊಕೋವಿಕ್ ಅವರನ್ನು ಎದುರಿಸುವ ಅವಕಾಶ ಕಳೆದುಕೊಂಡರು.
ಇದೇ ವೇಳೆ ರೋಹನ್ ಬೋಪಣ್ಣ ಮತ್ತು ಜಪಾನಿನ ಯಸುಟಕ ಯುಚಿಯಾಮ ಅವರು ಮೊದಲ ಸುತ್ತಿನಲ್ಲಿ ಸೋತು ಹೊರಬಿದ್ದಿದ್ದಾರೆ.ತಮ್ಮ ಕೊನೆಯ ಆಸ್ಟ್ರೇಲಿಯನ್ ಓಪನ್ ಆಡುತ್ತಿರುವ 13ನೇ ಶ್ರೇಯಾಂಕದ ಬಾಬ್ ಮತ್ತು ಮೈಕ್ ಬ್ರ್ಯಾನ್ ಅವರು 6-1, 3-6, 6-3 ಸೆಟ್ಗಳಿಂದ ಬೋಪಣ್ಣ-ಯುಚಿಯಾಮ ಅವರನ್ನು ಉರುಳಿಸಿದ್ದರು.
ಹಿಂದೆ ಸರಿದ ಸಾನಿಯಾ ಮಿರ್ಜಾ
ಬಲ ಕಾಲಿನ ಸ್ನಾಯು ಸೆಳೆತದಿಂದಾಗಿ ಭಾರತದ ಸಾನಿಯಾ ಮಿರ್ಜಾ ಅವರು ಮಿಕ್ಸೆಡ್ ಡಬಲ್ಸ್ ಸ್ಪರ್ಧೆಯಿಂದ ಹಿಂದೆ ಸರಿದಿದ್ದಾರೆ. ಅವರು ಮಿಕ್ಸೆಡ್ನಲ್ಲಿ ರೋಹನ್ ಬೋಪಣ್ಣ ಜತೆ ಆಡಬೇಕಿತ್ತು.
ಆದರೆ 33ರ ಹರೆಯದ ಸಾನಿಯಾ ವನಿತೆಯರ ಡಬಲ್ಸ್ನಲ್ಲಿ ಆಡಲಿದ್ದಾರೆ. ಉಕ್ರೈನಿನ ನಾಡಿಯಾ ಕಿಚೆನೋಕ್ ಅವರ ಜತೆ ಆಡಲಿರುವ ಸಾನಿಯಾ ಗುರುವಾರ ನಡೆಯುವ ಮೊದಲ ಸುತ್ತಿನ ಪಂದ್ಯದಲ್ಲಿ ಚೀನದ ಕ್ಸಿನ್ಯುನ್ ಹಾನ್ ಮತ್ತು ಲಿನ್ ಝು ಅವರನ್ನು ಎದುರಿಸಲಿದ್ದಾರೆ.
ಮಿಕ್ಸೆಡ್ನಲ್ಲಿ ಸಾನಿಯಾ ಆರಂಭದಲ್ಲಿ ರಾಜೀವ್ ರಾಮ್ ಜತೆ ಆಡಬೇಕಿತ್ತು. ಆದರೆ ಜ್ವರದಿಂದ ಬಳಲುತ್ತಿರುವ ರಾಮ್ ಮಿಕ್ಸೆಡ್ನಿಂದ ಹಿಂದೆ ಸರಿದ ಕಾರಣ ಬೋಪಣ್ಣ ಜತೆ ಆಡಲು ನಿರ್ಧರಿಸಿದ್ದರು. ಇದೀಗ ಬೋಪಣ್ಣ ಮಿಕ್ಸೆಡ್ನಲ್ಲಿ ಕಿಚೆನಾಕ್ ಜತೆ ಆಡಲಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Crime: ಕೈ, ಕತ್ತು ಕೊಯ್ದ ಸ್ಥಿತಿಯಲ್ಲಿ ಯುವತಿ ಶವ ಪತ್ತೆ
PM Modi ಪತ್ರಿಕಾಗೋಷ್ಠಿ ಯಾಕೆ ನಡೆಸುವುದಿಲ್ಲ? ಉತ್ತರಿಸಿದ ಪ್ರಧಾನಿ ಮೋದಿ
Pavagada: ಸಿಡಿಲಿನ ಪರಿಣಾಮ ಹೊತ್ತಿ ಉರಿದ ದನದ ಕೊಟ್ಟಿಗೆ; ಸ್ಥಳದಲ್ಲಿಯೇ ಹಸು ಸಜೀವ ದಹನ
Editorial; ರೈತರಿಗೆ ಸಕಾಲದಲ್ಲಿ ಹೊಸ ಸಾಲ ಸರಕಾರ ತುರ್ತಾಗಿ ಸ್ಪಂದಿಸಲಿ
Sunil Chhetri ಸರಿಸಾಟಿಯಿಲ್ಲದ ಆಟಗಾರ; ಭಾರತ ಫುಟ್ಬಾಲ್ನ ತೆಂಡುಲ್ಕರ್ ಚೆಟ್ರಿ