ಐಸಿಸಿ ಕೂಟಕ್ಕೆ ಪಿಸಿಬಿ-ಯುಎಇ ಜಂಟಿ ಬಿಡ್ಗೆ ಚಿಂತನೆ
Team Udayavani, Apr 17, 2020, 5:54 AM IST
ಲಾಹೋರ್: ಪಾಕಿಸ್ಥಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಹಾಗೂ ಎಮಿರೆಟ್ಸ್ ಕ್ರಿಕೆಟ್ ಮಂಡಳಿ (ಇಸಿಬಿ) ಭವಿಷ್ಯದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಆಯೋಜಿಸುವ ಕ್ರಿಕೆಟ್ ಕೂಟಕ್ಕೆ ಜಂಟಿಯಾಗಿ ಆತಿಥ್ಯ ವಹಿಸುವ ಚಿಂತನೆ ನಡೆಸಿವೆ.
ಈ ಬಗ್ಗೆ ಉಭಯ ರಾಷ್ಟ್ರಗಳ ನಡುವೆ ಮಾತುಕತೆ ನಡೆಯುತ್ತಿದೆ. ಇದರ ಬಗ್ಗೆ ಪ್ರತಿಕ್ರಿಯಿಸಿದ ಪಿಸಿಬಿ ಮುಖ್ಯಸ್ಥ ಎಹಸಾನ್ ಮಣಿ ಹೇಳಿದ್ದು ಹೀಗೆ, “2023ರಿಂದ 2031ರ ಅವಧಿಯಲ್ಲಿ ಐಸಿಸಿ ಆಯೋಜಿಸಲಿರುವ ಕೂಟದಲ್ಲಿ ಕನಿಷ್ಠ 5-6 ಕೂಟಕ್ಕೆ ಬಿಡ್ ಸಲ್ಲಿಸಿ ಗೆಲ್ಲುವ ಕನಸಿದೆ ಇದರಲ್ಲಿ ಒಂದೆರಡಾದರೂ ನಡೆಸಲು ನಮಗೆ ಅವಕಾಶ ಸಿಕ್ಕಿದರೂ ಸಾಕು’ ಎಂದು ತಿಳಿಸಿದ್ದಾರೆ.