ಕೋವಿಡ್ ಕಳವಳ: ಈ ವರ್ಷವೇ ಜಾಗತಿಕ ಆರ್ಥಿಕ ಹಿಂಜರಿತ
Team Udayavani, Apr 19, 2020, 11:06 PM IST
ಕೋವಿಡ್ 19 ವೈರಸ್ ನಿಂದಾಗಿ ಈಗಾಗಲೇ ಬಿಕ್ಕಟ್ಟಿಗೆ ಸಿಲುಕಿರುವ ಜಾಗತಿಕ ಆರ್ಥಿಕತೆಯು ಪ್ರಸಕ್ತ ವರ್ಷ ಭಾರೀ ಹಿಂಜರಿತದ ಆಘಾತ ಎದುರಿಸಲಿದೆ ಎಂದು ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಮುಖ್ಯಸ್ಥರಾದ ಕ್ರಿಸ್ಟಲೀನಾ ಜಾರ್ಜಿವಾ ಹೇಳಿದ್ದಾರೆ.
ಹಲವು ಉದಯೋನ್ಮುಖ ಮಾರುಕಟ್ಟೆಗಳು, ಅಭಿವೃದ್ಧಿ ಹೊಂದುತ್ತಿರುವ ದೇಶಗಳ ಸರಕಾರಗಳಿಗೆ ಪ್ರಸ್ತುತ ಬಿಕ್ಕಟ್ಟು ಅತಿದೊಡ್ಡ ಸವಾಲನ್ನೇ ಎಸೆದಿದೆ ಎಂದೂ ಅವರು ಹೇಳಿದ್ದಾರೆ.
ಐಎಂಎಫ್ ಮತ್ತು ವಿಶ್ವ ಬ್ಯಾಂಕ್ ನ ಸಭೆಯೊಂದರಲ್ಲಿ ಮಾತನಾಡಿದ ಜಾರ್ಜಿವಾ, ಪ್ರಸಕ್ತ ವರ್ಷದ ಮೊದಲಾರ್ಧದಲ್ಲೇ ಹಿಂಜರಿತದ ಬಿಸಿ ತಟ್ಟಲಿದೆ. ವ್ಯಾಪಾರ ಸಮರ ಹಾಗೂ ಸರಕಾರಗಳ ನೀತಿಯಲ್ಲಿನ ಅನಿಶ್ಚಿತತೆಯಿಂದಾಗಿ ಆರ್ಥಿಕತೆಗೆ ಮೊದಲೇ ಪೆಟ್ಟು ಬಿದ್ದಿತ್ತು.
ಈಗ ಕೋವಿಡ್ 19 ವೈರಸ್ ನಿಂದಾಗಿ ಪರಿಸ್ಥಿತಿ ವಿಕೋಪಕ್ಕೆ ತೆರಳಿದ್ದು, ಬಹುತೇಕ ದೇಶಗಳು ಹಿಂಜರಿತದ ಸುಳಿಗೆ ಸಿಲುಕಲಿವೆ ಎಂದು ಅಂದಾಜಿಸಿದ್ದಾರೆ.