ಆಕಾಶದಿಂದ ಬಿದ್ದ ಉಲ್ಕಾಶಿಲೆ?
Team Udayavani, Jun 21, 2020, 6:33 AM IST
ಸಾಂಚೋರ್(ರಾಜಸ್ಥಾನ): ಇಲ್ಲಿಯ ಜೇಲೋರ್ ಜಿಲ್ಲೆಯಲ್ಲಿ ಶುಕ್ರವಾರ ಬೆಳಗ್ಗೆ ಆಕಾಶದಿಂದ ಉಲ್ಕಾಶಿಲೆಯಂಥ ನಿಗೂಢ ವಸ್ತು ಬಿದ್ದಿದ್ದು, ಎಲ್ಲರನ್ನೂ ಚಕಿತಗೊಳಿಸಿದೆ.
ಬೆಳಗ್ಗೆ 7 ಗಂಟೆಗೆ ಸ್ಥಳೀಯರಿಗೆ ಸ್ಫೋಟದ ಶಬ್ದ ಕೇಳಿಸಿದ್ದು, ಮೇಲಿನಿಂದ ಮುಖವಾಡದ ರೂಪದಲ್ಲಿರುವ ಈ ವಸ್ತು ಬಿತ್ತು ಎಂದು ಹೇಳಲಾಗಿದೆ. ನೋಡಲು ಮುಖವಾಡದಂತಿರುವ ಇದು 2.8 ಕೆ.ಜಿ. ತೂಕವಿದೆ ಎಂದು ಹೇಳಲಾಗಿದೆ.
ಸ್ಥಳೀಯರು ಈ ಬಗ್ಗೆ ಮಾಹಿತಿ ನೀಡುತ್ತಿದ್ದಂತೆ, ಪೊಲೀಸ್ ಸಿಬ್ಬಂದಿ ಸ್ಥಳಕ್ಕೆ ಹೋಗಿ ನೋಡಿದಾಗ ಅದು ಕಲ್ಲಿನಂಥ ವಸ್ತುವಾಗಿರುವುದನ್ನು ಮನಗಂಡಿದ್ದಾರೆ. ಬಿದ್ದು ಕೆಲ ಸಮಯದವರೆಗೂ ಅದು ಉಷ್ಣ ಹೊರಹಾಕುತ್ತಿತ್ತು ಎಂದು ಉಪ ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.